YA-SFADOCI MRKV 13 的热门经文

分享

Chena gah segalamakufe-maku-wrki gelvwv jrivhki ilaneki xvga ni wefowa uci : pvyaqv inv nvhekv iahqi wesigi-ta-hatv, henv inv wah wrpvnas-hofu.

Gcitvwr-feku gelvwv, gcitvwr-piku macimi mvmrtumaku : xvga mvtv ki wrkudr-nrwv ina ini Irqv.

Chena tapuwawa-nagi si walal-wrqa nihki, macimi masanal-wrqa, tagi kih negrni wesrfe-pwv wv hiu-yaqa : wakv goqa-nahi-grci gah melago-pwv ina ini yrtafvgi, yone kvlvwiku gelvwv; xvga mvtv ini gelvwv ga-kvlvwicki, inv Ufapi Ucvjrlvhqv wakv.

Manqvtwi macimi vsisgi-drmqa wa hvsanu : wakv ni kvlvwewanv mvtv wa hvsanu.

Pvyaqv ina ini grsagigi walr ini yrtafvgi mvtv wiyafv u wrkutv, mvtv weginrqi nihki ancvleki betiga wafapvh-kvmigigi, mvtv nuhgi inv Uqihfimv, inv Ufimv wakv.

Chena ina nodrga-yaqa nochadewa-nv macimi nochadewanv lrcimowanv, tagi batfvgi-taha-yaqa : yolumv wiahi qelvhi brbiaci wah biamikv-tu; pvyaqv ini jaiahqewa mvtv ga-wvgi.

Gcitvwr-piku waciganvhi : xvga mvtv ki wrkudr-nrwv gelvwv ina inv dabalatvkv ini wegiwv wvh birci, qahqi tuga ulrqefiga, walr lrwi tapahgiga, walr nrbaiv kvlhotvga, walr ini kulvh-whrpvga; belabaga gikvmoci pami birta gi mgr-kuwv inv bami nabr-yaqa. Chena ya-lalvku gelvwv ni talrki nelv jrivhki, Gcitvwr-piku.

Xvga nakudwa-lanv si lanvwa wah pvfaqicfvtv-wrli nakudwa-lanv si lanvwali, macimi ugimrwewa u pipahtanv ugimrwewa; wa vhdawv ’n’tvsi vsisgi-nomasgrwanv cvjapi tvsi; wa vhdawv ’n’tvsi sasqrlvwawvh-kvmigiki : yoloni wiahi uwa waci vlamvh-kvmigigi ini vhqi-lrsvmvmowa.

Chena ini uwa-si-biadrcimowa brbiaci nhihtv wah nvnvhimo-foki jrivhki nihki tfwa-lanv si lanvwaki.

Maci wah biaki ni wefowa-nagi, Neiv inv, wa hiwvki; macimi maci wah bemi walr-wvhi.

Pvyaqv geyrwrgi mvmaku gcitvwrfewa : xvga tapuwawanv nihki gah si pvgfanaku-wrki; chena betiga msi-kvmiku ga p’pvgtahugo-pwv; macimi ya-lvhfvme-wrci kvpanvleki chena mvgi ugimrki gah nepwi-pwv xvga neiv uci, wvhsi nihki u dabwami-wrci.

xvga wah pvfaqeki ’n’tvsi myrsi Klvis-deki chena myrsi mrmosigesqacki, macimi wah wrpvtasi-waki gigi no-lo wan v chena lvkuqahdrni-wiahi, wvhsi manvwvh’ bemi wasiwa-wrci nihki, qahqi kvtvwiga, nili mayruho-fulici.

Ina nala grsagiki, vhkuwihi ini gesanrci-nvmowa, inv gesagi-gesfwv wah papagic-hofu, macimi inv tapahgi-gesfwv mvtv wah meliwa u wvhfa-yrmi, chena nihki vlrqvki wah pami manqvtwi uci pansinoki, macimi nili wrsikvki betiga ya-daki nili manqvtu wah nrnomanota.