यहून्नो 14 的热门经文

分享

गेह केतिंङ शांति रंड्रातग मतलब दुह शांति अंऊ गेह तातग; दिह दुह शांति माह शुह अंऊ संसारे रें तरपोतो, केहरे परेशान था शुई दंङ बेंईन था।

यीशु ज़ि दोरंङ साते कुंई, “अम, सच्चाई दंङ अनंत जीवन गेह ए शुगाह; गेह मेह अरीला पिता परमेश्वरो कछंङ पिचे मरपोतो।

यीशु ज़ि चेला तु हखा कुई, “केहरे परेशान था शुई! छना केहच़ी परमेश्वरो टोहकठे विशवास लहज़ातंई ध्वांए गिऊ टोहकठे ला विशवास लांही।

पर केहतु मदतगार मतलब दुह पवित्र आत्मा अतिंङ पिता परमेश्वरे गिऊ अधिकारंङ च़रपोतो, दुह पवित्र आत्मा ए केतिंङ भत्ते गप्पा सिखाएपोतो, दंङ छिला धिर गेह केतंङ साते कुहषी तातग, दुह भत्ते धिर केतिंङ हिद दिलाएपोतो।”

अतु कछंङ गिऊ हुकुम तोह, दंङ दोई दुह मनेक्च़ा, दोई ए गेरंङ साते दाह लहज़ा, दंङ अच़ि गेरंङ साते दाह लाह, दोरंङ साते गिऊ पिता परमेश्वरे दाह लोहतो, दंङ गेह दोरंङ साते दाह लोहग, दंङ घेंङा बि दोऊ टोईच़ी प्रगट लोहग।”

दंङ गेह पिता परमेश्वरारंङ साते बिनती लोहग, दंङ दोई केहतु थल्जी हमेशा साते बंङज़ा इच्च़ा मदतगार बि रमतो। दुह, दुह पवित्र आत्मा शुह, अच़ि परमेश्वरो पाहठी सच्चाई प्रगट लाह, अतिंङ संसारो मीहरे ग्रहण लेह मरपोर, छना कुचे माह दोच़ी दुह खंड्रातोर माह दोबि ञेंहच़ातोर: केहरे दोबि ञेंहच़ातन छना कुचे दुह केतंङ साते बंङज़ा, दंङ दोऊ केतंङ साते पक्‍का नाता शोतो।

दंङ छिला धिर केहरे गिऊ मिन्ज़ी पेट्रोनी, दुहए गेह लोहग कि गेह मीहू योह दोरच़ी पिता परमेश्वरो महिमा शोतो। अगर केहच़ी गिऊ मिन्ज़ी छा पेट्रोनी ता गेह दुह लोहग।

“अगर केहच़ी गेरंङ दाह लोहनी, ता गिऊ हुकुम मनेक्पोंई।

गिऊ पिता परमेश्वरो घरबारंङ बंङज़िमी थल्जी महसे ठहरि तोह, अगर माशुहचंङ ता गेह केतंङ साते कुट्री तोहई; छना कुचे गेह केहतु थल्जी ठहरि तेयार लहज़ी य्वाताग।

दंङ अगर गेह इलजे केहतु थल्जी ठहरि तेयार लोहग, दंङ यच़ाह अंज़े केतिंङ घेंङा रंङ साते रेंज़ा शोहग कि अंऊर गेह बंङज़ोग दोर्तिंङ केहरे ला बंङज़ुंई।

थोमा ज़ि यीशु ऊ हखा कुंई, “हे प्रभु, ञेंहच़ी माञेंहनी कि कांह अंऊखा य्वातन; ता अम छना ञेंहओनी?”