«Дун унев вуго гьанже киналго чагӀи унелъуре, – ян абуна гьес. Мун чаран гӀадин къвакӀун, бихьинчи гӀадин вукӀа; дур БЕТӀЕРГЬАН Аллагьас тӀад лъураб тӀубазабе. Мусал къануналда хъван бугелда рекъон Гьесул нухдасан хьваде. Бичасул амруял, Гьесул къанунал ва ахӀкамал тӀуразаре, мун киве аниги, щиб дуца гьабулеб бугониги, дуего битӀ ккезе букӀине. Гьедин БЕТӀЕРГЬАНАС дир хӀакъалъулъ „дур наслу битӀараб нухда хьвадани ва Дир хӀакъабщиналда ракӀ-ракӀалъго нахъбилълъани, ГӀизраилалъул тахидаса дур зурияталъул гӀаркьел кидаго къотӀиларо“, – ян абураб рагӀиги тӀубазе букӀине.