Павелонь омбоце сёрмац Фессалоникав 2 的热门经文

分享

Кивок коданга тязадязь васькафне! Ся шись аф сай, мзярс аф кеподи оцюдонга оцю комболдомась Шкайть каршес, и аф эвондай койфтомошинь ломанць, кона максови юмамать-арамать кядьс.

Кемай ялгане, конатнень кельгсыне Шкайсь, тейнек фалу азонкшнема сюконяма тинь инксонт Шкайти, сяс мес Сон ушетксстокиге, Ваймопожфса иняруяфтомать вельде и видешити кемамать вельде, кочкадязь тинь идемати.

Ся каршек молись эсь прянц лувсы сяда оцюкс семботь сянь коряс, мезсь лемневи шкайкс али инярукс. Сон нльне озай Шкаень кудса и азсы эсь прянц Шкайкс.

Сонць Иисус Христос Азороньке и Шкайсь, минь Аляньке, кона кельгомазь минь и макссь тейнек Эсь пароказнестонза пефтома пингонь ваймафтома-кемокстама и пара надияма, катк ваймафтсазь тинь седиентень и кемокстатядязь тинь эрь кодама цебярь тевонди-валонди.

И сяс Шкайсь максы тейст повомс васькафтомать-эрьгодемать кядялу, и синь кармайхть кемама васькафнемати.

Койфтомошинь ломанть самац – тя Сатанань тев, и сон сай эрь кодама вийса, васькафнемань тяштьксса и дивань тевса. Сон кяжи васькафнематнень вельде саласыне юмайхнень мяльснон. Синь повихть аду, сяс мес ашезь кельге видешить, конань вельде идевольхть.

Тя койфтомошинь вийсь салава ни тиендьсы эсь тевонц. Аньцек сонь кистонза эряви сявомс ся, кие персесы кинц.