1. Mose 7 的热门经文

分享

Oun o baro Devel penas ap o Noah: “Dja an ko panyeskro kheer: tou oun tiri tseli familya. I tsele menshendar ap i phoub hal tou kokres lačo oun čačo glan mande.

O pani his tardo ap i phoub 150 (sheel-te-paash-sheel) divessa.

Har o Noah 600 (shob-sheel) bersha phouro his, an o douyto čon an ko bersh, ap o deesh-te-eftato dives vas o pani, hoy an i phoub hi, i zoryah vin.

Yaake vas o tselo djipen ap i phoub tassedo: i menshe, i firhe, i bare oun i tikne, ninna i čirkle. Halauter vas tassedo. O Noah kokres ačas djido oun kolla, kay djan khetne leha an o panyeskro kheer.

Oun dran o bolepen vas baro zorelo brishin ap i phoub: star-desha divessa oun star-desha rati.