Luk 2 的热门经文

分享

Himak nitak a̱ nan‐okchalinchi, yʋmmʋt Klaist Chitokaka mak osh Lewi in tʋmaha ha̱ a hʋchim ai ʋttʋshke.

Mihma enchil ash ot, Hʋchi nukshopa ná; ʋno ʋt anumpa na‐yukpali a chinto fehna okla moyuma ka im a̱ya he mak o̱ isht hʋchim a̱ya li hoke.

Chihowa yʋt ʋba chaha moma i̱ shahli ya̱ ik a holitopá; mikmʋt yakni paknaka ma ik a nanaiyá: mikmʋt hatak a̱ nana achukma im anukfilli aiena kʋt ik ai ituyulá, ahanchi tok.

Mihma Chisʋs ash ot ahopoyuksʋt asʋnot ma̱ha̱ya mʋt, Chihowa, micha hatak puta aiena ka im a holitopa kʋt i̱ shahlit ma̱ha̱ya tok.

Yohmi ka atokowa kʋt ilʋppak o̱ yakohmi ha chi̱ hoke: Ʋllo̱si ʋt nahlilahli o̱ a bonunta hosh, issuba ai ilhpitta yo̱ fohkʋt itonla ho̱ ont hʋsh pisa chi̱ hoke, im achi tok.

Yohmi ma yakni yʋmmak inli ka chukfʋlhpoba apesʋchi ʋhleha hʋt ʋlhpoba apesʋchi hosh ninak a̱ haiaka yo̱ aiasha tok. Yʋmohmi tuk o̱ Chihowa im enchil ʋt a̱yʋt im ʋla na Chihowa im a tohwekeli chinto kʋt ai on tommit talaia ma, okla nukshopa fehna tok.