Joon 16 的热门经文

分享

“M yɛli ya nɛ'ɛŋa ye ya mɔr sumbʋgʋsʋm man san'an. Dunia kaŋa ni ya mɔr namisʋg, amaa mɔri sʋnkpi'euŋ; ka m nyaŋ dunia.”

Ka onɛ an yɛlmɛŋir Siig la ya'a kena, o na sʋŋi ya ka ya baŋ yɛlsida la wʋsa; ka o kʋ pian' nɛ o mɛŋ yɛlaa, amaa o na pian' linɛ ka o wʋm la, ka mɛ na pa'annɛ ya yɛlbanɛ na ti kena.

Ya nam pʋ sɔs si'el nɛ man yʋ'ʋr zugɔ. Sɔsimi ka ya na di'e ka ya sʋnya na pɛ'ɛl nɛ sumalisim.

Ka la'an nɛ wala li anɛ sida ka m yɛti ya ye, li anɛ ya sʋ'ʋm zug ka m ye m yi kpɛla, ka m ya'a pʋ keŋɛ, Sʋŋid la kʋ kɛɛn ya ni naa. Amaa o ya'a kena o na nie pa'al dunia nidibi yidig tʋʋmbɛ'ɛd yɛla si'em, nɛ ban yidig pʋpielim yɛla si'em, nɛ ban yidig sariakadib yɛla si'em la.

Ala mɛn ya sʋnya san'am nannanna amaa m na lɛn nyɛɛ ya ya'as, ka ya na mɔr sumalisim, ka sɔ' kʋ kɛ ka ya sʋnya lɛn san'am. Saŋkan la ka ya kʋ lɛm bu'osim bu'osa ya'asɛ. Asida ka m yɛti ya ye, ya ya'a sɔs si'eli m Ba' la san'an man yʋ'ʋr zug, o na tisi ya.

Asida ka m yɛti ya ye, ya na kum ka fabin, ka dunia dim sʋnya lɛɛ na malis. Ya sʋnya na san'am, ka ya sʋnsa'aŋ la na lieb sumalisim.