Luka 12 的热门经文

分享

Ani gǝri yɛ kǝ ndzai ntsakǝr ka gǝri ndzai aka ɗǝmhǝdzi, kadǝbar Zǝr Ndɛ ni ata si ata saka nam kura gǝri ta ɗǝnga tǝni.”

Ama ka gǝr bara kuhyikurni, ba sǝ ǝni yarni ndǝ ata la gǝri tsuwɛ.

Antǝ dzǝ ka nkǝrɛ ala dar, “Ka gǝr vǝdzǝ hankal! Ka gǝr 'ya pǝɗǝm ta kǝlara lambwakur; akuya adi hangkur sǝ nam tǝ gǝ akǝr ani mpikɛ wɛ.”

Akuya vui nam tǝ gǝnar ngɛ akwa, antǝ ɗǝfa gǝ yɛ ata 'ya akwanda.

Wa akwa ntsa gǝri atar damitsǝnidzǝrni awa mǝzi ka dzakti awur duku ala dzǝgamkur mpikari?

Antǝ Yɛsu ka nkǝr ala ndzǝr nuwurni: “kadǝbar ǝni Yi ada nkǝrɛ ala gǝri, ta gǝr ta damitsǝnidzi ata kǝra mpika gǝri ata kǝra sǝ nam tǝ gǝri awa sǝmɛ, wala ata kǝra dzá gǝri, sǝ nam tǝ gǝri awa ɓui ka hati.

Dzǝri! Wala sǝsi nam ata kǝra gǝr ma ndǝ tsǝba tǝ dar. Ta gǝr ta hyivǝr; gǝri aka paida ɓwalta madar ika hangkurari.

“Ta gǝr ta hyivǝr mai, gǝri albwar ndzǝr nu tǝra nkyiɗu laka ni, gǝri apa bǝri tǝma, akuya Tada gǝri ada nga sǝɗar la gǝri kuhyikur ni.

Wulamɛ zǝlaku yarɛ! Dar adi ada thlǝka wɛ, dar adi ada dli wɛ, dar adi aka vui ɗǝwa wala bi wɛ; ama Hyal ada la dar sǝr sǝmɛ. Ka yidau tǝ ɗakur gǝri tara kwatsǝni nǝr ika yarɛ!”

Ta gǝr ta vǝti ɗǝfa gǝri ata sǝ nam tǝ gǝr ata sǝmɛ wala sǝ nam tǝ gǝr ata sa; ta gǝr ta damitsǝnidzi kari.

Ma apǝri apani tǝ Hyal ada pudzǝ kari ala kusar akwa ntaku, nam asǝna dar adai ata mulɛ, ba arpɛ ndɛ pu tǝ dar akwa u'u, mǝmi hangkur tǝ Hyal ata pudzǝ ala gǝri kari gǝr ndzǝ nam aka hamnta dzǝri nkyiɗu!

Sǝ adai nam harhari kura ata siya mburntadzi wɛ, wala su ɗǝwa-ɗǝwa adai nam kura ata sǝba ata babal wɛ.