मर्कुस् 4 的热门经文

分享

हुनी येशु लोङ्‌न भुयुक् दील लप्‍स्‍य तङ बेत्। ॱनी छो दील टुङी दो़त् सीन्‍न ॱसुङ बेत्। हुनी भुयुक् दी छ्‌यक्‍न खुर बेत्। छो दी इक् गीलील देप्‍प बेत्। हुनी खोङ्‌गी ॱलोप्‍टुक् दीबल खीत् घन्‍डल टक्‍प सेच्‍च्‍युङ। हुन्‍दो ओक् खीक्‍की ङल ॱलो ॱमीत् को़गो़प्‍प? सीन्‍न झ्‍यीब बेत्।

हुनी हुब ॱह लेन ज्‍यीबे रोरङ्‌सो ॱनम्‍बु येशु घन्‍दुक् झ्‍यीबे मी ब अक्? छो धङ् भुयुक्‍की इक् खोङ्‌गी कल चीगुक् सीन्‍न झ्‍यीब बेत्।

ॱनी येशु ढी़ तक् ङो़ दीन ॱङेदोक् च्‍यीक् ची़त्‍न नान ॱङीत्‍ल ॱसोङ्‌न यो़प्‍प बेत्। ॱनी ॱलोप्‍टुक् दीबे येशु ॱङीत् ॱसेत्‍न खोङ्‌ल चयेलम हज्‍यरङ् हीन कुरीक् ॱस्‍यीज्‍येम झ्‍यीप्‍प नीज्‍यरङ्‌गी ॱमीत् थोङेक्‍क? झ्‍यीब बेत्।

खोङ्‌गी हुबल हरुङ्‌द ॱसुङ बेत्। खीत्‍रङ्‌गी आम्‍ज्‍योक्‍की घङ् घोव घयेत् हुल तेन ॱसम्‍ल तोङ्‌ज्‍यीत्। खीत्‍रङ्‌गी घन्‍दुक् झ्‍यीबे ॱस्‍योक्‍क ज्‍यप्‍न तीक्‍कुक्‍क हुगो डस्‍सी खीत्‍रङ्‌ल आक् ज्‍यप्‍न तीक्‍केन् बेत्। ॱनी ॱल्‍हक्‍मु उक् तीक्‍केन् बेत्।

हुनी खोङ्‌गी हरुङ् ॱस्‍येप्‍प बेत्। को़न्‍ज्‍योक्‍की ज्‍यागक्‍की लेमु हीगो डस्‍सी युङ्‌गेन् बेत्। स्‍यीङ्‌गल मी च्‍यीक्‍की ॱसो़न् तप्‍न स्‍यक्‍नी, रोरङ् लोक्‍न युङ्‌गेन् बेत्। ॱनी मी दी गोङ्‌मु ना, ॱङेट्‌टो लोङ् झ्‍यीच्‍च्‍याल हुगी ॱह मत् घोवल ॱसो़न् दी रोरङ् रङ्‌स्‍यीगी अज्‍यु भोङ्‌न की छर् डोगेन् बेत्।

ॱसी़ आम्‍ज्‍योक्‍की घोगुक्‍क हुगी हीगो नेन्‍ज्‍यीत्।