Markus 6 的热门经文

分享

Tort waare soo fiil layt hin am khome un fort am keen, tas te Yeesus un ti tisiple khee tsayt hate fer se ese. Too saat Yeesus: — Khomt! Meyer keen leen pis an en unpewoont plats tas mer pisye ruue khëne.

Awer, Yeesus saat tëne: — En profët kept iweraal rexpekteyert, awer ploos net woo eyer kroos kewakst is, unich sayn ferwante un in sayn haus.

Wii se aus kextii sin, hot Yeesus en kroos folek kesiin un hot se ketauert, wayl se waare wii xeef woo khee xeefer hon. Un hot aankefang tëne fiil tings se lërne.

Eyer khont khee ëne wuner mache, hot ploos phaar kranke keheelt, tëne ti hënt triwer kehal. Hot sich ferwunert fon tëne sayn unklaawichkheet. Is, awer toch, ti nachpaarx xtetcher torich kang, am unterichte.

Too hot Yeesus ti finef proot kehool un ti tswaay fix, hot noo em himel kekukt un hot Hërkot ketankt. Tëm noo hot eyer tas proot keteelt un fer ti tisiple ap kep fer aus teele fer tas folek. Un hot aach ti fix ferteelt mit se al. Ti kanse layt hon kes un sin sat kep. Un ti tisiple hon noch tswelef khërep samer kerof fol mit proot xtiker un fix.