Acts 1 的热门经文

分享

Aagai goodou e kave naa ssauaa i dua de hano iho o de Hagasaalunga Dabu gi oodou elunga; gai goodou e hai naa ga ni dangada e daalaa hagadonu ogu dagodo i Jerusalem, ma Judea alodahi, aama Samaria, ga dae ai loo gi de bido laa o henua i lalo.”

Ia ne hai ange gi gilaadeu, “E dee se mee niiodou de hai gi iloo de masavaa aama de laangi a Tamana gu hagamodu i dono sauaa.

Dono masavaa nogo noho ai i olaadeu daha, gai ia ne hai ange gi gilaadeu, “Goodou e dee hulo gee mai i Jerusalem, gai goodou nnoho daalia de hagatoo donu a Tamana, go mee oodou gu langona mai i ogu daha. Go hiidinga a John ne babudaisi i vai; gai e dee mmule naa donu gai goodou gu babudaisi i de Hagasaalunga Dabu.”

Ia ne hagaago ange gi gilaadeu i hanonga lagolago bolo ia gu mouli age abodonu, i dua dono hagaduasala, ma de hakide ange gi gilaadeu i e madahaa laangi, ga agoago ange gilaadeu i dagodo o de nohoanga hodooligi o de Maadua.

Dua huu dana tala ange muna laa gi gilaadeu, gai ia gu gaavage gi de langi, i de masavaa alaadeu e daumada ai ia, gai de giliiga ne haoli ia gu dee gidee.

Gai de masavaa alaadeu e tuu ai ma e kalo age gi lo te langi i de hano o Iesu, gai e dogolua dangada de langi e kahu i malo tea, gu tuu i olaadeu gaogao, ga hai ange, “Denga daane Galilee, gu aha gu tuu ai naa goodou e kalo age gi lo te langi? Iesu oodou e gidee naa gu gaavage mai i oodou daha gi de langi, e ahe mai naa bei doodou hai gu gidee ai naa ia e hano gi de langi.”