মথি 28 的热门经文

分享

ইনি গিম্মিন না·সং রি·য়াংএ গিম্মিক জাতরাংনি মান্দিরাংখো আংনি জা·রিকগিবা থারিবো। ফাগিবানি, দেগিবানি আরো গিসিক রংথালগিবানি বিমুংও বিসংখো রিপ্পলেতবো। আংআ জেখো জেখো না·সংনা গি·য়েৎজক উখো মানিখানা বিসংনা স্খিয়ে হন·বো। নিবো, চাসংনি বন·খামাওনা দিপ্পাৎ ফাংনান আংআ না·সংমুং দংআ।”

উনোন যীশু সেফাংও রি·বাএ বিসংনা ইয়া খাৎথাখো আগানজক, “সালগিনি আরো হা·গিলসাকনি গিম্মিক বিলখো আংনা হন·মানজক।

সা·গ্রে মিচিকরাংনা আগানজক, “না·সং দা·আ খেন্নাবো, মুয়ানা আংআ হা·আইয়া, জেখো চিসলো দাৎখাপামিং না·সং উয়া যীশুখো সান্দিংআ। বিয়া ইনো দংজা। বিনি আগানা গিত্তা বিয়া থাংচাজক। রি·বা, বিয়া জেও থুয়ে দংআমিং উয়া হা·দামখো নিবো।

যীশু বিসংনা আগানজক, “দা·আ খেন্নাবো; না·সং রি·য়াংএ জংআদারাংখো গালীলওনা রি·য়াংখানা আগানবো।”

উনো খামালরাং আরো মি·আফারাং থম·দাকে খু·মংগ্রিকজক আরো উয়া সিপাইরাংনা থাংখা বাং·এ হ·ন্নে আগানজক, “না·সং আগানবো, ‘ওয়াল্লো চিংনি থুয়ে দংমিত্তিংও বিনি জা·রিকগিবারাং রি·বাএ বিখো চা·ওয়ে রা·আংজক।’ ইয়া খাৎথাখো দাল·বাৎগিবা শাসন দাকগিবা খিন্নানা মা·ন্নোদে চিংআ বিখো থম·থমেৎনুয়া আরো শাস্তিওনি না·সংখো জক্কেৎনুয়া।” উনোন নিরকখিগিবারাং উয়া থাংখাখো রা·চাকজক আরো বিসংনা আগানা গিত্তান আগানজক। দা·আও রোরোনা দিপ্পাৎ উয়া খাৎথা যিহূদীরাংনি গিসেপো জাংএ দংআ।