1 Ratahigi 18 的热门经文

分享

Go duvi eu, O HUQE, go duvi eu, huri tangaloi ngere ngaha rain iloe hurive nigo, O HUQE, i Huqe Mauri, me i nigo goin dori na domire vin tudori taligu.”

Lo taroi hure bonboni hi, a tangaloi ligoligogi hi Elaeja mo labe me mo tataro vena, “O HUQE Mauri noi Ebraham, Aesek mei Israel, siregi nie na matamwasara lolo rani bagataha hurive i nigo i Huqe Mauri lolo Israel me i neu a nomu tangaloi tabanagi, me nau vei na gineu doluegi lo nomu leohora.

I Elaeja u vano tomuegi na sinobu me mo veve vena, “?Nem labe lo livugei ladolado gairue vin dadari tagaha? Tareve i HUQE ngeie i Huqe Mauri, nen hurie; nge tareve i Tagaro ngeie a huqe mauri hogo, nen hurie.” Nge sinobu rahe gesi dala tea.

Siu avi noi HUQE mo soi me mo gao na hure bonboni, a gai, a vatu mena tano, me mo sungu tantau na wai lolo walu hi.

Tavohe sinobu doluegi ram lehi na gineu lehe, ramo soi suvine me ramo ngara ngaragi, “A HUQE ngeie i Huqe Mauri! A HUQE ngeie i Huqe Mauri!”

Vaga bitugi a tangaloi tabanagi mo bete na gaiduvigi vena, “A tailengi u biti mo mwere limei tangaloi mo maraga dena tahi.” Siu Elaeja mo veve vena, “Go vano go veve lawe Ehab vena, ‘Go tagaragi na bulemu jariot me gon hivo vine vaiteu a uhe mo tugoro go.’”

A huireana noi HUQE mo hivo lui Elaeja, me mo vintegi na luqana ta lolo wasine, me ngeie mo toa tomuegi Ehab su vano Jeserel.

Me Elaeja mo veve lawe Ehab vena, “Go vano go gagani me gom inuinu, huri a roroi uhe lawua mo vomai.”

Ngeie mo veve lawe na nona tangaloi tabanagi vena, “Go vano me gon leo suvohi lo tahi.” Me nge mo hage aulu me mo veve vena, “Hate gineu taie,” I Elaeja u veve vaga bitu move, “Go vano taligu.”

Siu Elaeja mo veve lawe na sinobu doluegi vena, “Nen vomai teu lombegu.” Ngere ram vomai lobena, me ngeie mo vai huri na vondai hure bonboni noi HUQE, ngehi rau vei surisuri.

Siu nein ware lo henai nomiu huqe, me neu nain ware lo henai HUQE noi Ebraham, Aesak me Israel. A huqe nge vin duvi gena avi; ngeie a Huqe Mauri.” Siu a sinobu doluegi ram veve vena, “Gom veve na havagi hi u garea.”

Elaeja mo wali na vatu hangavulu domwa gairue, hogo gategale mo tatarise mena babagi ngerehi rau hivo dein renetui Jekob, lawea hi a leo noi HUQE u vomai, mo veve vena, “A henamu vin vuragi Israel.”

Lo matainaho mo tu vosa qatu i Elaeja mo tiehire. Ngeie mo veve lawera vena, “Nen ngaragi siaga taligu! Hogo ngeie a huqe. Bataha ngeie mo ladolado lawuagi lolo domine, sige mo dige lategi, sige ngeie mo didige. Bataha ngeie mo maturu me ngeie vin maraga.”

Ngeie mo bulu na vonda lo henai HUQE gena vatu ngere, me mo geli na walu dalie u lawua tatarise mena laqoloi vurugi wai ngavulu gairue huri ve vin horo lolona.