Zenez 15 的热门经文

分享

Abram met so konfians dan LESEGNER. Akoz sa LESEGNER rekonet li kouma enn zom zis.

Enn zour, LESEGNER koz avek Abram dan enn vizion e dir li: “Abram, pa bizin per! Momem to Protekter. Mo pou donn twa enn gran rekonpans.”

Li fer Abram sorti deor e li dir li: “Lev to lizie lao, e get lesiel. Kont bann zetwal si to kapav. To bann desandan pou vinn boukou kouma bann zetwal dan lesiel.”

LESEGNER dir Abram: “Non, pa sa zom la ki pou vinn to eritie, me to prop disan. To prop garson ki pou vinn to eritie.”

Lerla, LESEGNER dir li: “Abram, to bann desandan pou al res dan enn pei etranze. Bann abitan sa pei la pou tret zot kouma esklav. Bannla pou fer dominer ar zot pandan 400 an.

Abram reponn: “A Segner BONDIE, ki to pou donn mwa? To konn bien ki mo pena zanfan. Eliezer ki sorti Damas pou vinn mo eritie.

Sa zour la, LESEGNER fer enn lalians avek Abram. Li dir li: “Mo pou donn to bann desandan sa pei la antie, depi larivier Lezip ziska gran larivier Efrat.

Apre kat zenerasion to bann desandan pou retourn isi. Lerla, mo pou pini bann Amorit. Asterla zot pese pankor vinn ase grav pouki mo pous zot lor zot later.”