SOQQAMAASINETE LOOSO 11 的热门经文

分享

Afisihu gedensaanni haa're Antsookiya abbi. Lamunku mitto diro wo'ma hakkiicho heedhanno ammanaano ledo mitteenni gamba yite lowo manna rosiissu. Ammanaano umo assine, «Kiristaana» yine woshshinoonnihu Antsookiyahooti.

Isino mare Maganu mannaho uyino elto lae, lowo geeshsha hagiidhi. Baalunku wo'mu wodaninni kaajjite Mootichaho ammanante heedhanno gede kulinsa. Isi Qullaawu Ayyaaninna amma'na wo'mitinosiha dancha mancho ikkino daafira, lowo manni amma'ne Mootichunniwa higi.

Ninke Mooticha Yesuusa Kiristoosa amma'ninummo waro Maganu ninkera uyinke elto insara uyiro, Magano hoolate anera wolqa nooeni?» yiinsa. Insa konne coye macciishshitu yannara qoltannore hoogge Magano galattanni, «Xa Maganu dagate nafa aagintaabbe heeshsho afidhanno kaayyo uyinonsa» yitu.