ወንጌል ዘማርቆስ 6 的热门经文

分享

ወይቤሎሙ ንዑ ንፃእ ገዳመ ባሕቲተነ ወታዕርፉ ሕቀ እስመ ብዙኃን እለ የሐውሩ ወይመጽኡ ወኢያበውሕዎሙ ይብልዑ እክለ እስመ ኢያስተርከቡ።

ወይቤሎሙ እግዚእ ኢየሱስ ኢኮነ ምኑነ ነቢይ ዘእንበለ በሀገሩ ወበቤቱ ወበኀበ አዝማዲሁ።

ወወፂኦ እግዚእ ኢየሱስ ርእየ ብዙኃነ ሰብአ ወምሕሮሙ እስመ ከመ አባግዕ ዘአልቦ ኖላዊ እሙንቱ ወአኀዘ ይምሀሮሙ ብዙኀ።

ወኢገብረ ኀይለ በህየ ዘእንበለ ኅዳጣን ድዉያን እለ አንበረ እዴሁ ዲቤሆሙ ወአሕየዎሙ። ወአንከረ ኢአሚኖቶሙ ወአንሶሰወ ውስተ አህጉረ አድያም እንዘ ይሜህር።

ወነሥኦን ለኀምስ ኅብስት ወለክልኤቲ ዓሣት ወነጸረ ሰማየ ወባረከ ወፈተተ ኅብስተ ወወሀቦሙ ለአርዳኢሁ ያቅርቡ ሎሙ ወከፈሎሙ ለኵሎሙ እምክልኤቲ ዓሣትኒ። ወበልዑ ኵሎሙ ወጸግቡ። ወዘአግኀሡ ዘተርፈ ፍተታት መልአ ዐሠርተ ወክልኤተ መሣይምተ ወእምዓሣሁኒ።