Salsila siga Rasul 3 的热门经文

分享

Sangkon, nawbat na kam boꞌ bi lillaꞌ na pa Tuhan supaya pinuwasan na dusa bi.

Sugaꞌ yuk si Pitel niiya, “Yaꞌ la luu sīn ku sugaꞌ buwanan ta na ko ma luu niyaku. Man kawasa-kapatut awon si Isa Almasi, lalla looy man Nasaret, nangge na ko, boꞌ nu lumān.”

Pag-anu siꞌ, ilooy ma hinelaꞌ na tangan na meꞌ si Pitel pinatangge. Dari sarunduun du takka na anggawtaꞌ battis na sampay buku-buku na. Maka lay na ga ya palambung boꞌ na magliputan lumān. Sampay lay na ya mmeꞌ ni si Pitel ka si Yahiya paasok pa jawom haman langga mehe sambayan na maglambungan lumān mudji Tuhan.

“Na lalla tuu itu, tasayu bi na du ndang yaꞌ ya bay kapalān lakka man kūn induꞌ na lagi. Pag batnaa, itu na ya bay inulian ni pag-awpan bi. Boꞌ poonan na baw itu siꞌ bay kaulian isu-isu man sabapan pangando kami ni si Isa ka ni kawasa awon na.”