YOHANES 19 的热门经文

分享

Ida Hyang Yesus ngecapin anggure punika raris Ida ngandika sapuniki: “Suba pragat!” Ida raris nguntul, tumuli seda.

Daweg punika Ida Hyang Yesus sampun uning, mungguing saluiring paindikane sampun puput. Mangda tegep sabdan Cakepan Sucine, punika awinan Ida raris ngandika sapuniki: “Tiang bedak!”

Duk Ida Hyang Yesus ngaksi ibu miwah sisian Idane sane kasayangang ngadeg irika, Ida raris ngandika ring ibun Idane sapuniki: “Ibu, sane mangkin puniki dados okan ibune.” Wusan punika Ida raris ngandika ring sisian Idane sapuniki: “Cening, ane jani ene dadi memen ceninge!” Sasukat punika Ibu Maria kajak ka umah sisiane punika.

Nanging rikala prajurite punika rauh nganampekin Ida Hyang Yesus, Ida panggihin ipun sampun seda, punika awinanipun cokor Idane tan kaelung. Sakewanten salah satunggiling prajurit numbak lambung Idane tur pramangkin ngecor rah miwah toya. (

Paindikane punika prasida kasidan, mangda tegep sabda sane munggah ring Cakepan Sucine kadi asapuniki: “Akatihko galih Idane tan jaga kaelung.” Samaliha wenten sabda sane munggah ring Cakepan Sucine sane lianan kadi asapuniki: “Ipun jagi pada nganengneng Anake sane sampun tumbak ipun.”

Sambilang Ida negen salib, Ida Hyang Yesus raris mamargi ngungsi genah sane mawasta “Kaun Sirah”, yen turah Ibrani: “Golgota”.

Wenten prajurit-prajurit sane ngulat gegelungan antuk bun madui tumuli kasalukang ring prabun Idane. Maliha Ida karangsukin jubah tangi minakadi busana kagungan.