1 Fetero 4 的热门经文

分享

Gunto a asaa oong'e kwatëëri uyanjo nëutiukëëra wa giyanja mu muntu na muyakwe gusoko uyanjo ugukunëkea wingë wa mahutye.

Mwino mu muntu waghenyifie gëfewa, gëtumëi gusoko a giarëëya nyenye gwa nyenye, mwino aghondanëyi në aja va mboto hiya hiya ya Muungu.

Wasuu në ugurighëëtya, arighëëtye mwino Muungu uguhanya. Wasuu në ugutumama, atumame gwa nguu në Muungu ugumufa; gusoko uvii Muungu adahe ukuriwa u mantu oong'e ukëërëa Yesu Kiristo. Kunë Mweeso urëfo üküü nanë wibali khae na khae. Amini.

Nësa kë muntu umwedu ugukhasëka mwino Mukiristo mweeso ataonee mënyaa, ëgweeso gusoko a rina rasëë mweeso në amukürye Muungu.

Mpeo a mantu oong'e ahumbeera; gwa uvii mahaa anyu nëëfëtie na mwibale nyenye aghonjo gusoko mudahe uromba mwino inoneye.

Ayanjwi, nyenye mutatake itungo në maëghëëyo nëugufësya mwino moto unë ëjie kunë nyenye gwa umufiima nyenye, mwino gënya intu në ighenyi nërëudwëëra kunë nyenye. Ëgweeso yanji gusoko nyenye mukhasëka gwa njëa ëyëëyo në Kiristo mweeso wakhasëkie, uvii nyenye mudahe noo uyanja na giririsya itungo në üküü wakwe wadwëëra.

Ighenyifi nyenye gwa nyenye u makhaya anyu ëse mutiunang'ana.

Gwa uvii avoo në vëukhasëka gwa uhonga mafenji a Muungu vinjë utenda vija na uvëka nkhoo yawe kunë Matunda nëmuhuvëwa.

Gusoko gwa uvii Kiristo wakhasiywe u musalaba gusoko itu, ighondaneyi aghonjo ughema gwa njëa ëyëëyo në mweeso waghemie. Gusoko wasuu woong'e nëwadahie uvaara mung'ë a mwëërë warekie utenda mahutye. Uvii mwino gusoko a itungo nërinjë usonge duvi gwa uduvi wanyu wa mu urëmi gwa uhonga mafenji a Muungu ëgweeso ti gwa uhonga mafenji a mwëërë.

Nësa nyenye mukheefewa gusoko a rina ramwa Kiristo, nyenye mwina bahu, gusoko Mwahu wa udaho nanë wa Muungu ugikhaa gunto anyu.