1 Fetero 2 的热门经文

分享

Ëgweeso nyenye u në Muungu wamuhwaniye. Nyenye noo mwë akumbëki va Mutemi, kangë noo mwë Ndughu në njeru, kangë noo antu vakwe Muungu. Uvii nyenye mudahe utanantya ntendo yakwe ya utacha, na unë wamwëtanie nyenye ufuma u kiti na gëngëa mu weru wakwe wa utacha.

Mweeso mughonjo wakenkie mahutye itu u mwëërë wakwe gunto a musalaba, gusoko sese gudahe ukuya gwa mahutye na uduva gwa tutë. Gwa nkhomee yakwe nyenye mwendie uforiwa. Gusoko nyenye naa mwë mwino nkhoo nëyayaghae njëa, ëgweeso itungwee mwendie umusukëa Mudëmi nanë Mughoji wa nkhoo yanyu.

Kheengë nyenye naa muti antu ëgweeso itungwee nyenye mwë antu va Muungu. Kheengë nyenye naa mwinaghenyifa gëhe, ëgweeso itungwee nyenye mwagëghenyifiye.

Mwino vana në anyughuu në vafafiwe fifë, hunukwi mahunga a munkhoo, uvii gwa asaa nyenye mudaha ukura munkhoo na mudahe utyoewa.

Ayanjwi, nene ngumunena nyenye mwino antu në aghenyi nanë vëduvie gwa itungo ikufë ung'ë ya antu. Ineghi ufuma u nkumbu në mbë ya mwëërë në igikhuaa urughu hiya na nkhoo yanyu. Tendi uduvi wanyu utende uja mukhatëkhatë a antu në va Ndughu ingëja, gusoko mbesa veeso vëumurighëëtya nyenye hiya na mwino mwë anya mahutye, veeso vëdahe goona ntendo në njija na umukurya Muungu itiku nëujie uvaramwua.

Mwino magwe në mafanga nyenye mujengwe gunto a nyumba a gënkhoo na mutende ukumbëki në weru. Nyenye mutendeke dahwa kunë Muungu unë yiumuyanjisya mweeso ukëërëa Yesu Kiristo.

Uvii vëki umpeo uvaya woong'e na wegheeghe woong'e nanë lakuno nanë wiru nanë wiregheegheyi woong'e.

Njii kunë Müküü, unë igwe mwino igwe në ifanga. Antu varëjughutie ëgweeso Muungu warëhwaaniye na rina ughuri üküü.

Duvi mwino antu në vëna uhaghaaro. Ëgweeso mutautumëe uhaghaaro wanyu gwa gitenda gusoko a utenda në mavë. Ëgweeso duvi mwino atumami va Muungu.

Gusoko Muungu ugufenja nyenye mutende në maja gusoko mudahe ukiya murighëëtyo wa antu në afutu.