1 Akorinto 12 的热门经文

分享

Muungu ugumufaa mu muntu ukunukuo wa Mwahu Mweru udahe utumëka gwa gyarëëya.

Nyenye nyoong'e mwë mwëërë wamwa Kiristo, na mu muntu mukhatë anyu në nongo a mwëërë wasuu.

Nësa nongo ëmwedu ëguvaara, nongo ëngenja yoong'e yuvaara itambëëmwe. Nesa nongo ëmwedu ëgukuriwa, nongo ëngeja yoong'e yinjë gëririsya itambëëmwe.

Mwahu Mweru ugumufaa muntu umwedu udaho wa urighëëtya sayu në ijue ihaa në ikuu, na Mwahu uyuyo ugumufaa muntu ungëja udaho wa urighëëtya sayu në ijue umanyi. Mwahu Mweru ugumufaa muntu ungëja udaho wa umuhuvëa Kiristo gwa nguu, na Mwahu uyuyo ugumufaa muntu ungëja udaho wa uforya. Mwahu Mweru ugumufaa muntu ungëja ntendo ya makura, gwa muntu ungëja ugumufa urighëëtya sayu a Muungu. Mwahu Mweru uyuyo ugumufaa muntu ungëja udaho wa urekanua mukhatë a nkhoo, gwa muntu ungëja ugumufa makhakho hiya hiya a mërighëëtyo në mëghenyi, gwa muntu ungëja ugumufa udaho wa ukunukua ryana ra mërighëtyo në mëghenyi.

Ayaa oong'e ëgutëndewa nguu na Mwahu Mweru umwedu, na uyuuyo, unë ugufunya udaho hiya hiya gwa mu muntu umwemwe mwino mweeso ugufenjaa.

Muungu watëndie wuu gusoko nongo yoong'e ya mwëërë yeke gëkhuva nongo ëmwe na mbuya. Ëgweeso njeeso idahe gikeera nongo gwa nongo mbuya.

Gwina makhakho hiya hiya a vifewa vya unkho, ëgweeso Mwahu Mweru në uyuuyo. Gwina njëa hiya hiya ya utumami, ëgweeso Müküü në uyuuyo. Gwina makako hiya hiya a utenda mwëmo, ëgweeso Muungu në uyuuyo në ugufunya meeso oong'e gwa mu muntu.

Na Muungu wadahie uhwania mungë a kanisa mwandyo atumami, gavëë anyagëdaghu, gatatu aseyi, kangë avoo nëvëutëndaa makura, kangë avoo nëvëuforya, kangë avoo nëvëgwarëëya atuki. Vangëja në avoo nëvëutongeera antu, kangë avoo nëvëurighëëtya gwa mërighëtyo në mëghenyi.

Gusoko mwëërë utitëndiwe gwa nongo ëmwedu ëgweeso utëndiwe gwa nongo nyingë.

Hiya na asaa, nongo ya mwëërë në antu vëuyighemaa mwino itina nguu, nongo mwino yasii isëghëtwe nanguu.

Nësa na mwëërë woong'e arë riho, ëse na gutie udaho wa utëgheeya. Nësaa na mwëërë woong'e wë ikutwë, naa sa gutëe udaho wa unyuncha. Ëgweeso mwino chu gurë, Muungu wafangie nongo mung'ë a mwëërë, mu emwedu mu yasii, mwino mweeso wahwaniye. Nësa nongo yoong'e arë nongo ëmwedu, gwa uvii na sa gutië mwëërë.