Nüxíraxü̃xü̃ ga popera ga Coríntiuwa yexmagüxü̃ ga yaxõgüxü̃tanüwa namuxü̃ ga Pauru 2 的热门经文

分享

Rü ngẽmachiga nixĩ i Tupanaarü ore i ümatüxü̃wa i ñaxü̃: “Rü ngẽma duü̃xü̃gü i Tupanaxü̃ ngechaü̃güxü̃ca̱x, rü nüma nanamexẽxẽ i ta̱xacü i taxúema nüxü̃ dauxü̃, rü taguma texé nüxü̃ ĩnüxü̃, rü bai i texé nagu rüxĩnüxü̃”, ñaxü̃.

Rü texé ya tama Tupanaãxẽ ya Üünecü tümawa ngẽxmaxẽ, rü taxucürüwa tanayaxu i ngẽma Tupanaãxẽ ya Üünecü tüxü̃ ngu̱xẽẽxü̃, erü tümaca̱x ya yíxema duü̃xẽ rü natüca̱xmamare nixĩ. Rü tama nüxü̃ tacua̱xéga erü yíxema Tupanaãxẽ ya Üünecü tümawa ngẽxmaxẽxicatama tixĩ ya nüxü̃ cuáxe nax tanangugüxü̃ nax ta̱xacüchiga yixĩxü̃ i ngẽma Tupanaãxẽ ya Üünecü tüxü̃ ngu̱xẽẽxü̃.

Rü ngẽma nixĩ ya Tupana i Naãxẽ ya Üünexü̃arü ngü̃xẽẽmaxã tüxü̃ nüxü̃ cua̱xẽẽxü̃. Rü ngẽma Naãxẽ ya Üünexü̃ rü guxü̃xü̃ma nacua̱x, rü aixrüxü̃ i ngẽma Tupanaxicatama nüxü̃ cuáxü̃ rü nüxü̃ nacua̱x.

Rü yixema rü tama ñoma i naanecüã̱x i naãxẽ nixĩ ga iyauxgüxü̃. Natürü tanayauxgü i ngẽma Naãxẽ ya Üünexü̃ ga Tupana taxca̱x núma muxü̃ nax nüxü̃ icuáxü̃ca̱x i guxü̃ma i ngẽma ngü̃xẽẽgü ga Tupana norü ngechaü̃maxã tüxna ãxü̃.

Rü yexguma pemaxã chidexagu rü pemaxã nüxü̃ chixuxgu ga Tupanaarü ore, rü tama ñoma nüxü̃ cua̱xüchixü̃ãcü pemaxã nüxü̃ chixu ga ore nax pexü̃́ chanangúchaü̃xẽẽxü̃ca̱x rü peyaxõgüxü̃ca̱x. Natürü Tupanaãxẽ i Üünexü̃arü ngü̃xẽẽmaxã rü Tupanaarü poramaxã nixĩ ga pexü̃́ chanangúchaü̃xẽẽxü̃. Rü yemaacü Tupanaarü poramaxã pemaxã nüxü̃ chixu ga yema ore nax Tupanagagu yixĩxü̃ nax nüxü̃́ peyaxõgüxü̃, rü tama ñoma i naanecüã̱x i duü̃xü̃güarü cuágagu nax yixĩxü̃.