MARKUS 14 的热门经文

分享

KatauNyau, “Bak, gegalaunyau ka pacak, amun Dighi. Jawuakala sengsarau itu jak di Aku. Anyautu jangan nurut kendak Aku, tapitu kendak Dighi ajau.”

Bejagaula ngan bedu'ala, supayau kamu jangan bedusau, amun dicubaui. Nyela, dalam ati kamu endak ngerjauka setu diau benagh, anyautu kekuatan manusiau tebatas.”

Percayaula, di gegalau deniau di manau ceritau iluak jak di Allah diceritauka, setu diau dikerjauka tinau ini ka dikiciakka pulau endak ngingat diau.”

Diau bekatau ngan ughang tigau itu, “AtiKu madak nian, asaunyau luak ka mati. Mendamla kamu di sini, ngikut bejagau ngan Aku.”

Yesus ngan anak-buaHau dang makan, Yesus ngambiak ruti, bedu'a beterimau-kasia, dipiyak-piya'Au, dienjuakkaNyau ngan anak-buaHau, katauNyau, “Ambiakla, makanla! Inila badanKu.”

La udim itu Yesus ngambiak mangkuak anggur, bedu'a beterimau-kasia, dienjuakkaNyau ngan anak-buaHautu, mangku gegalau anak-buaHau minum jak di mangkuak itu. Katau Yesus, “Inila daghaKu diau neguaka janji Allah, diau melilia batan endak banyak jemau.

Mangku Yesus bekatau ngan ughangtu, “Malam ini gegalau kamu ka belaghi ninggalka Aku. Karnau di Injil tetulis, ‘Aku ka mbunua tukang sayia, mangku bebiriau ka teceghai-beghai.’

Bangunla, mela kitau pegi. Jemau diau njualka Aku la datang.”

“Ingatkala,” katau Yesus, “Malam ini antak ka ayam bekukuak duau kali, kaba la tigau kali ngiciakka nidau keruan Aku.”