Matius 8 的热门经文

分享

Taan kuan ni Yesus wia ni séra, “É kamu sé zéi'kan tahlous ma'éman, kaa kamu maindé'?” A si Yesus rumendaié a rekaken-Nama u reges wo u sempa' itii. A mapenesa u louz itii.

Taan kuan ni tonaas né suraro itii wia si Yesus, “Tuang, tia'mo mangé witi waléku, pahpaan ni aku én zéi'kan wangun i sumungkul si Tuang witi waléku. Taan numuwu'moma, si ataku itii é malé'os.

Kaitalingamé u méikuamé ni tonaas né suraro itii, si Yesus é mengusi-ngusingsing ang kumuama wia sé tou mahkii-kiit ni Sia, “Uli-ulit ikua-Kuma wia ni kamu, im wia sé tou Israel, ni Aku én zéi'kampé' nimahile-ilekla um pa'émanen tanu ung kawangko' um pa'émanen ni zéi'kan tou Israel kenu.

A si Yesus kumuama wia si tonaas né suraro itii, “Mawurimoma wo mamualila wia ni ko tanu um pa'émanennu.” In toro niitukan, si ata ni tonaas né suraro itii é rengan i nimalé'osa.

Sé pahtuzu'en ni Yesus é mengusi-ngusingsing. A séra mahkua, “Tou kura si Tou kenu taka-takazan u reges wo u sempa' é mahtali- talinga ni Sia.”