Kisah Rasul-rasul 1 的热门经文

分享

Taan si Roh Lenasokan si tumumpamé wia ni kamu wo ni kamu makailek ung kawasa. Tumondong niitu, ni kamu sé makumua um pina'ilek wo tinalinga niou tumoro ni Aku wo matumuzu' wia sé tou witi wanua tua'na Yerusalem, witi péléng an tana' Yudea wo Samaria makaz witi pondol ung kaayahan.”

A si Yesus mingkotla wia ni séra, “Un oras wo sawisa niitu i mamuali én zéi'kan totoz ing kata'uan niou, si Ama' uman si wéwéhan kawasa in tumotoz un oras itii.

Makasamé, si Yesus é mahkan karia néra. In toro niitu, ang kuan-Na wia ni séra, “Tia'mo ipahtutula'u niou u Yerusalem kenu. Ni kamu é mento'mola wia'i ma'ento' si Ama' i lumekep u mémoitaaz-Na wia ni kamu, tanu un tinalinga niouo wia ni Aku. Pahpaan im puuna si Yohanes menanarani é mahsarani karia un zano, taan zéi'mo mauréma ni kamu é saranin karia ni Roh Lenas.”

Wia sé aatu-Na kenu, kumawusa Sia im pinahzézéhamé makaz nimaté, ni Sia nimapailek un tou-Na un tumuzu'mé i ni Sia én uli-ulit menou-nou. Im witu un epatna pulu' endo, ni Sia é menau-naup i nimapaileka un tou-Na wo nimahnuwu'ma wia ni séra tumoro ung Kakolanoan ni Opo Empung.

Makakuala niitu, witu u sinaru néra, si Yesus mawénéta mangé witi kasendukan, a Sia kaapé'ana u ninahak akaz Sia zéi'mo pahileken nérama.

I ni séra meloho-loho'pé' witi langit, kumompo'mé sé tou zua kimarai kulo' rimendaio witu u rété néra. Ang kuan né tou zua itii wia ni séra, “É kamu tou Galilea, kaa kamu meloho-loho'pé' witi langit? Si Yesus é mawénétoma nimangé witi kasendukan. Kuramo Sia i niilek nioua i mawénéta nimangé witi kasendukan téntu kangkasii Sia i mawurimé sumaup.”