मत्याल 10 的热门经文

分享

“इद केंजाट, लोळ्ङानगा गोरेन लोहतपु, नना मीक दुनियाते लोहतह्‌नन. अदिह्‌कु मीटु तरस्कना लेह्‌का सत्रल मन्ह्‌टु, मति परेवाङ मतप, नाळेह केवोरा लेह्‌का वने मन्ह्‌टु.

बोर इंजेके तमा कुदता जीवातुन पिसिह कीयलाहि ऊळिह्‌तोर, ओर आक्रिते बूळेम आयनुर. मति बोर नयेनाह्‌कु सबे पोहतह्‌तोर, ओरिह्‌क देवुळि पूना जीवा ईयग़ा.

“बोर मेंदुदुन हव्क पग़यह्‌तोर मति जीवातुन इट पग़वोर, ओर मन्कलोरिह्‌क मीट रेयमाटु. ओरिन रेयवा, जीवातुन ओसो मेंदुदुन, इव रेंडिन आसि पिववद किसबटटा सिक्सातगा बूळे कीया पग़यनद देवुळि, तान्के रेयाटु.

ओसो बोर तमा हव्कनागुटा कांजतप, नावा पयाह वाताह्‌कु, कोंटेङ, अड्सन्क आपलाह तयर आयोर, ओर वने नावाङ कग़यलाह ओप्पोर.

“बोरु लोकुरा मुनेह येसुनाङ कग़यवानन इन्जि कबुल आस्तोर, ओरिन नना वने आक्रि नेयमता वेलाते, नावा देवुळदीपतोग़ बाबाना मुनेह, वेर मावोरे इनदकन. बोर बारा नाकु लोकुरा मुनेह पुनोन इनदनुर, ओरिनु नना वने नावा देवुळदीपतोग़ बाबाना मुनेह, वेर मावोर आयोर इनदकन.

रोगह्‌लोरिन सव्रे कीसोर, हातोरिन जीवा अर्हचोर, मोंडरोगमतोरिन सुद्रे कीसोर, देयह्‌किन पूंडसोर अन्ह्‌टु. मीक नना पुनेमते अदिकर ईतन, अहे मीट वने पुनेमते दुस्रोरा सेवा कीम्ह्‌टु.

मति मीट इतेके वेल्‍लाङे कोळ्का पिटेह्‌काय वीळिस, देवुळबाबाना मुनेह एक्‍वा मोलातोरिर. ओसो (ओग़ मीवा लोप्पा कतम पुन्ह्‌तोग़,) मीवा तलातगा बेचोक केल्क मन्ह्‌ताङ, इद वने ओग़ पुन्ह्‌तोग़. (मीकु देवुळता विचरलेवा बातय आयो आयग़ा,) अदिह्‌के मीटु ओर तिपल केवालोरिह्‌क रेयमाटु.

“सबेटोर लोकुर गूनमते मनदना इन्जि, वेग़ इद बूमते वातोग़ इनजोर, नावा लोप्पा इनमाटु. बाराह्‌क इतेके लोकुर गूनमते मनदना इन्जि वावोन, मति नना वाताह्‌के नाक नमवालोरु, नाक नमवोरु, वेरा नडुम जग्ळम पुटग़ा.