ROM 6 的热门经文

分享

Itɛpwɛ iwɛwɛ i shɛ tu'wo, ama upwaŋ tulubo-ti-biye ta Agwatana ụ shɛ uraiŋ unyizo-nom na amɛ Krast Jisus Agwangwama tu.

Iwɛwɛ zha shɛ ya 'yaga ya ụhwada hiŋ o. Iwɛnɛ ta ahi zasa ya nu Undwa, semi no tulubo-ti-biye.

Ibɛ po ee ti ni nu bwa tedure nu ubaptizim na aa tɛ njɛ, a tɛ njɛ uŋ maa tu togotogwu ma no tu'wo tu bwa, iwɛ maa gana na tɛ ɛ hicinjɛ Krast no tu'wo tedure nu ụjɛrụma Bishi, maa tu na zha ma du tahaŋnụ nu uraiŋ ufwo.

To sugo ma ya itwɛ tu'waba ti hiŋ ye elele ma hiɛ shɛkanɛ iwɛwɛ maa hi na ndana iwɛwɛ iyi ni ibɛ o, ama na mama shɛkana ma Agwatana, gana na tɛ hi hiɛ no tu'wo. Sugo ma itwɛ tu'waba ti hiŋ hwɛɛ maa hiɛ shɛkanɛ Agwatana maa i shɛ iyi nɛ aa nda iyi tiririri ni ibɛ.

Ti mepi maa o togwonuo bụtụ tu bụ ngwụshɛ nrɛ nụ ụ'wụ'wụ-ubatanɛ na Krast, iwɛ maa a njɛ masha ma butugwumwa mi iwɛwɛ ufwu, maa kede ta sha ya ajama iwɛwɛ o.

Iwɛ ecilo ata na mama rɛta ma maa hi 'wonuo iwɛwɛ, ama uraiŋ na ahiɛ 'yajɛ ya, Agwatana ahia 'yagana uŋ na amɛ Krast Jisus.

Asha imbe ɛti zhɛ tɛ hiɛŋ yaa? Iwɛwɛ suu ɛti zhɛ tu na uranga tɛnda iwɛ maa tulubo-ti-biye tu na kaana ugombo? Awo, kede i shɛ gana ata o! Atuba na tu 'wonuo iwɛwɛ, gana na ɛti tɛ zhɛ ta nama ni ibɛ waaa?

Hi mepi shi suu maa aka elele na ahiɛ mama shɛkanɛ bụtụ be elele maa hi na hwuga-unu ubwa, asha hiɛ shɛ ajama bụtụ ata ahia hwuga-unu ubwa? Ajama iwɛwɛ nɛ ya 'waŋnɛ tu'wo suu ahiɛ shɛ okwo yibwa ajama unu-tuhwuga na wa 'waŋnɛ tiririri?

Ama Agwatana ubwa shɛ ba a'walụ, maa ahiɛba na hiɛ shɛ la ajama iwɛwɛ, hiɛ hwụjɛ ya unu imbisegeni hiŋ nɛ eti hi suji eti utegeni taa na shɛmɛ shi hiŋ. Iwɛbɛ po ee hi bicinji ya iwɛnɛ ahi banɛ ni iwɛwɛ, ahiɛ shɛ ya ajama tiririri.