ROM 3 的热门经文

分享

Atwa kpaaŋ njɛ iwɛwɛ, ibɛ po ee teni shi cɛŋ nụ ụjɛrụma wa Agwatana. No tulubo tu bwa ti biye bee peni aŋ n-ndumwa-zhɛ tedure no tugwube tu na tu banɛ no olugwo Krast Jisus.

Tuba tɛ shɛ tiririri ta Agwatana tu na tu dure rishe ru na atwa kpaaŋ tɛtanɛ Jisus Krast. Iwɛnɛ to tuswoswoswo tu zasaba.

Ubwa Agwatana shikicinji maa sha iyi ụrụpɛ nɛ yo lomicingo bu amɛ, unaa na ma ti lashɛga tedure ne rishe-tɛtɛtana mehieŋ mu bwa maa mbisono tiririri tu bwa caakwụ. Iwɛnɛ ti yaa shɛ maa ni isɛbwɛ nɛ baa 'imɛ ibɛ po Agwatana gengeni atwa iwɛwɛ nɛ aa njɛ la cala, maa mbisono tishiriri tu bwa na aka ga hwuwayɛ, maa ubwa shɛ bụtụ bi tiririri ni ikɛnyi ibwɛ, maa kaa pana du atwa elele na tɛtanɛ Jisus rishe n-ndumwa-zhɛ.

I zasa masha ma butugwumwa me elele na n-ndumwa zhɛ ma zhɛma hwuŋ na agba Agwatana iwɛ ugondu Undwa na bụtụ ata njɛ o; ama Undwa ubwa tuba wo mbisono atwa maa e mepi iyi nɛ i shɛ iwɛwɛ.

Gana na te e 'nyeci, ɛɛ hiɛŋ, Bụtụ bi tiririri zasaba okwo bu ko; bụtụ na eshiciji iyi zasaba, bụtụ na ba jala Agwatana zasaba. Hwɛ hwɛɛ aba vwulwagwa ee genji uhwaŋna wa Agwatana, hwɛ hwɛɛ aba 'wa ya iyi nɛ teni shi cɛŋ; bụtụ na ba nda iyi ibiye zasaba okwo bu ko.

Ti heŋshi maa n-ndumwa ma zhɛma bụtụ na agba Agwatana tedure ne rishe-tɛtɛtana, shɛ nu ugondu Undwa tɛnda o.

Awo. I zha shɛ ya sha gana ata kwukwuŋ! Ga Agwatana shɛ bụtụ bu tɛkana, ama ga atwa kpaaŋ tuba a shɛ atwa ụzagwụ, gana na te e 'nyeci, ɛɛ hiɛŋ, Ge e mbiseni caakwụ maa n-ndumwa mụ bụ mi teni cɛŋ, gabụ kaa bi zhɛ ba lasụ aŋ na aka na ta a duma ụshɛrɛya bụ.