LUK 7 的热门经文

分享

Iwɛbɛ po Ngɛɛ zhɛ mo bu mbiso maa, o gongwonuo bu iwɛwɛ ibwɛ nɛ ge gembi ufwugwo, iwɛnɛ tu baa 'yajɛ tulubo duwa. Ama bụtụ na ee gengeni cwɛŋ, bi zhɛ bo lubo du cwɛŋ. Nazhɛ ge Jisus hiɛŋ biyikwo ata, E bi gengeni iwɛwɛ bu.

Ge Jisus hiɛŋ biyikwo ata, Rishe rụ bụ tɛtɛtana ri bi bicinji, zhaga na amɛ-olom.

Ibɛ biyikwo ata shikeni na aba Jisus to dongonu ɛvwɛvwɛjɛ ubwa, baa twa-u'wo, bee kwuni ɛvwɛvwɛjɛ Jisus tinyashɛnga na malaba mu bwa, bee wofwoji ɛvwɛvwɛjɛ ata ne tihiŋzhe ti ikɛnyi ibwɛ, bee kwutenji unu ubwa nɛ ɛvwɛvwɛjɛ Jisus, baa sụkwụtwa ɛvwɛvwɛjɛ ata manɛbɛ ma ata mụ ụhiụŋ ubiye.

N heŋshi shi kaa du maa N lanɛ maa ma zhajɛ pụ bụ o, ama dumana iwɛ kiri, i zhɛ ya nɛnga yɛu mi. Gamba ni ikɛnyi mi du, N namɛ nu ụhwada, Ngaa untanganɛ du asaza nu ụhwada mu. Ngɛɛ hiɛŋ bụtụ ga, Zhaga peye, bi zhɛ ba zha; Ngɛɛ hiɛŋ bụtụ na, Zhajɛ, bi zhɛ ba zhajɛ, Ngɛɛ hiɛŋ bijama mi, Nda ijɛ, bi zhɛ ba nda iŋ. Aka na ti ge Jisus hwụjɛ iwɛ ubwa, yaa dama bu, baa mbiyanganɛ atwa ofwugwo a na 'wa bụ, bɛɛ hiɛŋ aŋ, Mo hi mbiso maa, N ta kwụbɛ shɛ rishe-tɛtɛtana rụ 'wụtụ gana ga okwo ni Isrɛl o.

Gunu ata ge Jisus nɛnjɛ atwa ofwugwo a na igwumɛgwumɛ gɛnɛgɛnɛ, keeni mpiala mụ wɛ ma pana ụbaụta, bee usheji sholubo shu ofwugwo shishe arahaŋ. Ge Jisus mbishi atumwa ata, bɛɛ hiɛŋ aŋ, Zhaga mbiso ma Jon iyi nɛ ahiɛ kwụbɛ keeni iyi nɛ ahiɛ hwụjɛ. Sholubo sho ushogwu shishe, atwa na ivwunɛ ya aba ge 'wegeni a zha tahaŋnụ, aa nɛnga atwa ụngwụ-uwaŋna, shụkwụrụ sha hwuga iwɛ, aa hicanjɛ atwa na ge 'wi, aa anangana okofwo Anabarɛ Ebiye.