Mɑ́lɛ́kúshi 9 的热门经文

分享

Yɛ́su pɑꞋ yɛ́ ŋɡɔ: «Ɔ pɛn ŋɡɔ pɑꞋ ɔ lɑɑ ŋ́kuꞋ ŋɡɔ ku? Nu kɑ́ tsɑ ŋu ẅí ɑ zɑ́pnɛ tʉ́m nǔu Sɛ́ pɔ́.»

Tɑ́-mɔ́ɔ ɡɔ́ɔ fɛ́Ꞌnɛ ńcú ŋɡɔ: «Ɔ́ɔŋ! N zɑ́b tʉ́m yɑ́ɑ nǔu Sɛ́, cẅɛ́lɛ́ wɑ́ɑ, ŋ kẅiꞋ ńzɑ́p tʉ́m nǔu wɛ́.»

Yɛ́su pɔ́p ɡɑŋku pɛ́ ɡɛ ḿbɛn tɛ ŋ́kúu ndɑ́, ḿbɔ́ zɛ́nɛ pɔ́p, pɔ́p píkŋɛ wɛ́ ŋɡɔ: «Ku lɑ́Ꞌnɛ ŋ́ɡɛ lɑ́ pɛk pɔɔ kuꞋ nɛzuŋ yɔ zẅikŋɛ kɛpɔŋ ɛ̂yɑ́ pɔ́ ɔɔ?» Yɛ́su pʉ̈ɔt mbɔ̌ pɔ́p ŋɡɔ: «Pɛ́ lɔk pɔ ndɑꞋ nɛcɛꞋlɛ Sɛ́ lɑ́ ńdɔk ŋ́ɡɛ yîyɑ́ ntɛ́ zẅikŋɛ kɛpɔŋ fú nǔu ŋu ńcẅɛt.»

Ŋɡwɑ́ŋ sɛ́ ḿbɔ́ yúu sʉ́Ꞌnɛ lɑ́, ɛ́ lɑɑ ḿbɔ́ tɛ ḿbɔɔ ḿbɛ́t ńdʉʉ pɔ́ pɛ́ pɛn ńdɔk kʉ̈ɔ́ ŋ́ɡɛ lɑ́ ɛ́ pɛn ńdʉʉ? Ɛ́ pɔŋ ŋɡɔ kwɑꞋ ŋɡwɑ́ŋ sʉ́Ꞌnɛ pɔ́ lɔ́ŋ pʉʉ, pɔ́Ꞌɔ, mbɔ́tnɛ pɔ́ tsɛtsɛt pʉʉ.

«Ŋu lɔk lík yɑ́ɑ, ŋ́kúkŋɛ mɔ́yúu mɔ́ɔ pɑꞋ wɔ lɑɑ, mbɔ ŋɡɑŋ kúkŋɛ pɔ wɑ́ɑ. Ŋu pɛn ŋ́kúkŋɛ wɑ́ɑ, mbɔ ŋɡɑŋ kɑ́ kúkŋɛ pɔ ndɑꞋ wɑ́ɑ pɔ́, ɑ kúkŋɛ pɔ ŋu ẅí ɑ kɑ túunɛ wɑ́ɑ.»

Ɛ sẅíi wʉ́ʉ, kwɑꞋ nɛ́nẅín, ŋu lɑɑ ŋ́ɡɔ ŋ́ɡɑ́ mɔ́zʉꞋ ŋki mbɔ̌ pʉʉ, ŋ́ɡɑ́, mbíꞌŋɡɔ pʉʉ pʉɔ pɑ́ɑ, mbɔ yɛ́ tsɔ́ꞋfɑꞋ ńdɑ́Ꞌ ḿbɛ́ pɔ́.»

«Lɑ́, ŋu ẅí ɑ ŋ́kɛ́ ńtsʉ́ʉnɛ wɛcɔ́ tɑꞋ ŋu nǔu pɛɡɛɡʉʉ pɑ́ɑ pi pɔ́p zɑ́pnɛ tʉ́m nǔu mɔ, nɛlɔk ŋ́ɡɛ ŋɡɔ ɑ fɑɑnɛ nu, mbɔ ŋɡʉ̈ɔ́Ꞌ yi ɛ́ ɡʉ ńdɑ́Ꞌ ŋ́kúu ŋɡɑŋ, ɡʉ ḿbɔ́ yi ɛ́ ńzɑ́ɑ, tɛ mbii pɔ́ ndɑꞋ pɑꞋ ɛ́ lɑɑ ḿbɔ́ pɛ́ cʉŋɛ mɑ́mɑ́ ŋɡɔꞋ lɔ́ŋ-ŋɡɑŋ, ḿmɑꞋ wɛ́ tsɛt mí.

ḿbɛn ḿbɔ́ yi lík yú sɛ́ ńtsʉ́ʉnɛ wú, ɔ fɑɑnɛ nu, ɔ tsɔ́Ꞌ ḿmɛꞋ, mbii nɛpɔ́ pɛlík lɑ ŋ́kúu nǔu nu-Nɛfɔɔ-Sɛ́, ńtsɑ pɑꞋ ɛ́ lɑɑ ḿbɔ́ ɔ ɡẅɛɛ mík mú mɛmbɑ́ pɛ́ pɛn ḿmɑꞋ wú tsɛt zʉꞋ-múk