ROME-TE 8 的热门经文

分享

Pasien a it mite, ama’ ngimna dung zui-a a hlatsa mite adingin sil bangkim in a hoi lamin a seppieh hi, ci thu i thei hi.

Azieh pen sina ahi a, hinna ahi zongin, vantung mite ahi a, thuneite ahi zongin, tuhun nate ahi a, ang tung ding nate ahi zongin, vanglietna neite ahi a, a sangna ahi a, a thuhna ahi zongin, adang a kisiem na vannuoi lahah na khat beh in i TOPA Jesu Khris sunga Pasien’ ei itna tawh ei khen zo vawt lo ding hi, ci thu ka theitel hi.

Tua ma bangin i thanemna ah Hlagau in eite ei panpi hi; azieh pen eite in nget dinga kilawmte i ngen thei sih vua, ahi vangin tua Hlagau mama in kamtenga gen thei lo tauna tawh eite adingin ei thumpieh hi.

Tua ahile tam thu tungtang ah bang i gen ding vuoi? Eite lamah Pasien a pan po leh eite lang khatah koi pang zo ding ahei?

Tua ahi ziehin Khris Jesu sunga a omte adingin tu-in mawsah thukhenna a om nawn sih hi.

Cilesa tawh kisai thute lunggulna in sina hi a, Hlagau tawh kisai thute lunggulna in hinna le lungmuonna ahi hi.

Bangma in ei khen zo vawt sih ding a, eite ei it ama ziehin bangkimah guolzo pente i hi uhi.

Tuhun taha i thuoh gimnate pen khatvei ciengin eite tunga minthanna ang kilang ding pen tawh tekah tah ka sa vet sih hi.

Koi in Khris’ itna panin ei khen zo ding ahei? Hamsatna, lungmanna, bawlsietna, gilkielna, zawnna, zauhuoina, le namsaute in ei khen zo ding amah?

Lungsim a sui Pasien in tua Hlagau’ lungsim a thei hi, bangzieh ahei cile Pasien’ deina dung zui-in Hlagau in misiengthote adingin a thumpieh hi.

Bangzieh ahei cile Pasien’ Hlagau in a pui mite zosie Pasien’ tate ahi uhi.

Bangzieh ahei cile cilesa deina banga a nungtate in a lungsim vuah cilesa tawh kisai thute a lunggul vua, ahi vangin Hlagau deina banga a nungtate in Hlagau tawh kisai thute ma a lunggul uhi.

A Tapa khat neisun sit loin eite zosie adinga ei piekhie Pasien in adang na vannuoi zong a Tapa tawh ei pieton loin a om ding amah?

Pasien’ tate i hi, ci thu tua Hlagau ma in eite’ hlagau tawh teci a pangton hi. Tuaci’n tate i hi uleh gouluote, Pasien’ gouluote le Khris tawh gouluo tonte i hi vua, Khris tawh i thuohton tahpi uleh eite zong ama tawh i minthangton ding uhi.

Tami thu ziehin cilesa tawh kisai lunggulna pen Pasien gal bawlna ahi a, tua in Pasien’ thukham a zui sih a, zong a zui thei mawng sih hi.

Bangzieh ahei cile a kisiem nate in lawptahin Pasien’ tate kilah ding kal a ngahla mama uhi

Tuhun dongin a kisiem na vannuoi nausuoh takei natna vei bangin tau-in a om uhi, ci i thei hi.