Ubwandilo 2 的热门经文

分享

Kokuno umụ̄ndu ịkunndekaga ugwịse nunna; ịkummumililaga ju nkasị; lelo bobabīli bababa bịkujaga mmbili gumogwene.

UNTWA Kyala alinkuti, kukaja kunụnụ ukuti umụ̄ndu ajege mwene ịtolo, nịkumpelelaga unnịne ugwa kutūlana nagwe.

Po papo lelo UNTWA Kyala alinkummbūmba umụ̄ndu ni mbụlị ja mfụ, alinkumpụ̄tila umūjị gwa būmị mụmbụlo. Lelo po papo umụ̄ndu alinkuja mūmị.

Po papo Atamụ alinkuti: Uju lilino jo mwịnāngu ugwa ịlopa limolyene na nịne ikifụpa ikifụma nkifụpa kyangu, ummbili umfụma mụmmbili gwangu, ịkujobịgwaga ukuja nkị̄kulu papo afụmịle mụnnyāmbala.

Kyala alinkulisaja ilịsịku lya buhāno na bubili alinkulipela ukuja lị̄kemo. Papo mwịsịku lilili Kyala ātūsị̄sye kumbōmbo jāke jōsa iji ābōmbaga, īmbōmbo ja kupela.

Umwene Atamụ nu nkasị bakāli ni myenda gya kufwala pōpe balinkusịta ukuja ni soni nasịmo isyakuti sịbakolege.