Gorngv Seix Zaangc 9 的热门经文

分享

Da'faanh meih nyei buoz lorz buatc haaix nyungc zoux, gunv longc qaqv zoux, weic zuqc yiem yiemh gen, dongh meih oix zuqc mingh yiem nyei dorngx, maiv maaih gong zoux fai daav za'eix nyei jauv fai wuonh zaang fai cong-mengh.

Yie aengx buatc yiem naaiv seix zaangc aengx maaih yietc nyungc se, saaix tiux nyei mienh maiv duqv zanc-zanc hingh. Mborqv jaax henv nyei mienh mborqv domh jaax yaac maiv duqv zanc-zanc hingh jiex, cong-mengh mienh maiv duqv zanc-zanc maaih hnaangx nyanc. Guai nyei mienh maiv duqv zanc-zanc butv zoih, maaih banh zeic nyei mienh maiv duqv mienh zanc-zanc a'hneiv ninh mbuo. Mv baac ziangh hoc caux wuonh qiex taux dauh dauh mienh.

Yiem meih kungx-morngh nyei hnoi-nyieqc, se Tin-Hungh bun meih yiem naaiv seix zaangc nyei maengc, meih gunv caux meih hnamv nyei auv njien-youh nyei yiem, weic zuqc naaiv se meih yiem lungh ndiev laauh luic zoux gong duqv nyei buonc.

Gunv mingh njien-njien youh youh nyei nyanc meih nyei hnaangx, yaac orn-lorqc nyei hopv meih nyei a'ngunc diuv, weic zuqc Tin-Hungh zungv a'hneiv meih zoux nyei gong.

Cong-mengh se gauh longx mborqv jaax nyei wuoqc ginc, mv baac yietc dauh zuiz-mienh haih baaic waaic ziex dor kuv sic.

Muangx cong-mengh mienh gorngv waac-faix, se gauh longx muangx gunv mienh hngongx mienh wuov dauh heuc nyei qiex.

Ziangh jienv nyei mienh hiuv duqv ninh mbuo oix zuqc daic mv baac daic mingh nyei mienh maiv hiuv haaix nyungc. Ninh mbuo maiv haih aengx duqv zipv zingh nyeic. Zuangx mienh yaac la'kuqv nzengc ninh mbuo aqv.