Maʼtɛ́as 18 的热门经文

分享

Kɛ́lɛ lɛ́, kɛnɔ kiim kɛ́ nto ɛ́baan, ɔmbɔ́ lɛ́ ɛ́dáád ɛmágɔ́nyɛ́dɛ́ɛ́ a niiŋ nɛ́am, ndɛ a kɛgaágadɛ kɛɔ́bɔn.»

Ndəgiiʼkini kobodɛ́anɛ lɛ́: «Nto ɛ́baan a ondáŋ wááŋan ɛmaʼkaáyóbanan a nsí yɛ́ɛnɛ əguŋíən yoom na Paabá, pálɛŋ lɛ́ nkə kɛ́ pə́ə́ŋíən, kɛ́dɛ́ɔlɔb lɛ́ Paabá nyɔ́ alɛɛ́ a mɔɛn, adɛboyɛ́ʼkɛnɛn.

Yə́sus aáság kodɔ́ŋɔn ɛyaa ɛ́ moóngaa, əmə́mudə́nígi a kɛgaágadɛ kɛɔ́bɔn, náa ɔnɔ́ na pɔ́lɛ́: «A fɔ́lɔ́b ndabodɛ́anɛ lɛ́, poʼkasɛnɛ ɔlaa, póyaan wɔnɔ́ moyaa mó poómbaa, podɛndɛ́ɛ́ kosɔd a Nɛlaamɛʼ nɛ́ a mɔɛn.

Nyɔ́ alɛ́ɛ́ kusiədií ɛyaa ɛ́ moóngaa wɔnɔ́ yɛ́ɛnɛ kɔŋɛʼ a niiŋ nɛ́am, nyóon aa alɛ́ɛ́ kɛɛnɛɛ́ oʼkóʼkóón a Nɛlaamɛʼ nɛ́ a mɔɛn.

Mɔɔd əməʼkusiəd ɛyaa ɛ́ moóngaa wɔnɔ́ yɛ́ɛnɛ kɔŋɛʼ a niiŋ nɛ́am, mɛ áa əmísiə́d náan.»

A fɔ́lɔ́b, ndabodɛ́anɛ lɛ́ nkə kɛ́ polɛ́ɛ́ kusúŋíí a nsí, kɛ́lɛ́ɛ́ kəə́súŋ tɛn a mɔɛn. Kɛ́ polɛ́ɛ́ kondinií a nsí, kɛ́lɛ́ɛ́ koóyóndin tɛn a mɔɛn.»

Yə́sus aáság kuyibənən tɔgɛ́ɛ́ tuə́ŋ ɔnɔ́: «Taa, náan tɛn aa Sɛ waam nyɔ́ alɛɛ́ a mɔɛn, alɛ́ɛ́ kɛɛlɛɛ́ na pəŋi, ná pundisinin pɔsɔ́g a nilisin nɛ́ fɔ́lɔ́b.»

«Náa, nyɔ́ alɛ́ɛ́ kɛɛlɛɛ́ lɛ́ ɛyaa ɛ́ moóngaa wɔnɔ́ yɛ́ɛnɛ yɛ́ ɛ́máág oʼto na mɛ ídə́əŋ a kɔbɛ́, kɛ́lɛ kɔŋɛʼ lɛ́ pámoodoŋ kɛdám kɛ́ nɛdáán a kɛnág, pámoódagɛdɛ a noom, ə́suu.

«A nɛáŋan əə, poádála tuə́ ə́? Tísəə lɛ́ mɔɔd ogóódi todóm əʼtin áʼtáan, náa númuʼ nuə́ním. Aagɛɛlɛ tuə́? Adɛáyaŋ kudi ə́mə́dí tóonɛ tó əʼtin ə́niʼ na puuniʼ na túniʼ a oʼkon a mɔɛn, agoyag kɛɛn əguunə nó nuə́ním ə́?