DEUTERONOMIO 7 的热门经文

分享

Yatipxam, Tatit Diosax chiqa Diosawa, jupakirakiw arust'äwipsa munasiñampi wawanakapana, wawanakapamp phuqharaki, jupar taqi chuymampi munasirinakaru, kamachi arunakapsa phuqhirinakaru.

Jumanakasti Tatit Diosamatak ajllit markäpxtawa; Tatituw jumanakarux aka uraqin utjir taqi markanak taypit ajllisipxtam, ukhamat jumanakan jupatak yaqhachat markäpxañamataki.

Tatituw Egipto markan t'aqhisiyat jakañat irpsunipxtam, ukatsti jach'a ch'amapampiw faraón reyin apnaqäwipat qhispiyanipxtam, jumanakar taqi chuymapampi munatapata, awkinakamar arupampi arsuwaykatayna uka arunak phuqhañ munasa.

“Tatitusti janiw jumanakarux yaqha markanakat sipan jach'a markäpxatam laykuti ajllisipktamxa, jan ukasti jumanakax taqi markanakat sipan jisk'a markakïpxtawa.

Jumanakasti taqi markanakat sipan walja aski waxt'äwinak katuqapxäta; janiw jumanak taypin jan wawachasir warmisa, jan wawani jaqisa utjkaniti; uywanakam taypinsa janiw jan mirir uywax utjkaniti, qachu uywatsa, urqu uywatsa.