John 2 的热门经文

分享

Allaya ummulaʼn lakaskaschaaw un killingwan Jesus ud Cana, osaʼn ili ud Galilee. Ot impailala kilabyelinla ot lamati cha disipulusla kan siya.

Ot kalan Jesus kan siya, “Ila, achipun masapuɏʼn ibyegam chi kook. Mangamungak gey, ti chaampun chumtong chi timpuʼn mangipain-ak si kilabyelinku.”

Kalan Jesus kan cha bubùulon, “Puluwonyu cha amutun alla si chelum.” Ot pinpilluchaʼn ustu. Oli pun kalan Jesus kan chicha, “Gauchonyu ya itaugenyu mangichaychaɏan si kaseɏ.” Ot killingwacha.

Ot summongbyat si Jesus, “Lu byakasonyu temploʼn alla, ked pauchok kasin si tiɏuʼn eɏgew.”

Ot langwà Jesus si tilalin byaut ot pilabuɏakala cha ayam si templo; cha byaka ya cha keɏlilu. Ot lilitwedla cha lamisaan cha mansusupli ot liwakat chi pilakcha. Imbyegala kan cha mallalaku si kalapati, “Man-itallay kayu kan cha alla! Achiyu mambyalilon lalakkuwan chi byeɏoy Amak!”