Genesis 4 的热门经文

分享

Kon maayo ang ginhimo mo, kuntani manayanaya ang imo guya. Pero tungod nga malaut ang ginhimo mo, ang sala pareho sang mabangis nga sapat nga nagahukmong sa imo pwertahan kag handa sa pagsalakay sa imo. Maluyag ini sa paggahom sa imo, pero kinahanglan dag-on mo ini.”

Si Set may anak nga lalaki nga ginhingalanan niya kay Enos. Amo yadto ang tion nga ang mga tawo nagsugod sa pagmitlang sang ngalan sang GINOO sa ila pagsimba.

Ang GINOO nagpamangkot kay Cain, “Diin ang imo utod nga si Abel?” Nagsabat sia, “Ambot! Ako bala ang manugbantay sang akon utod?”

Karon ang GINOO nagsiling, “Ngaa ginhimo mo ining makasiligni nga butang? Ang dugo sang imo utod nagasinggit sa akon halin sa duta subong sang isa ka tingog nga nagapangayo sang pagtimalos.

Pero ang GINOO nagsabat sa iya, “Indi ina mahimo kay kon may magpatay sa imo, pito ka kabuhi ang itumbas sa imo kabuhi.” Gani ang GINOO nagbutang sing tanda kay Cain sa pagpaandam sa bisan kay sin-o nga masugata niya nga indi sia pagpatyon.