1 Kōrinto 15 的热门经文

分享

Te meꞌe haŋa ia, e te taina haŋa rahi ōꞌoku ē: he haka hio-hio he oho te kōrua manaꞌu ꞌi ruŋa i a Ietū, ꞌo haka tapa kōrua mai te hāpī parautiꞌa o te ꞌAtua. ꞌE, ka aŋa ka oho nō i te aŋa haŋa o te ꞌAtua mo aŋa e kōrua. E ꞌite rō ꞌana, paꞌi, e kōrua: te aŋa ki a ia e ko taꞌe hauhaꞌa.

E te taina, ¡ki māuru-uru tātou ki te ꞌAtua ꞌo te vaꞌai mai i te pūai mo rē ki te hara ꞌe ki te mate hai meꞌe aŋa era e Ietū Kiritō, he Pūꞌoko Haka Tere o tātou!

ꞌIna kōrua ko haka rē mo reo-reo atu e te rua. Pa he vānaŋa kī e te kope e tahi: «Te hokorua aŋa i te meꞌe taꞌe tano he haka riro i a koe pē ia takoꞌa».

ꞌE, hai riva rahi o te ꞌAtua e tuꞌu nei a au pē nei, ꞌe ꞌina kai taꞌe hauhaꞌa rā riva rahi era ōꞌona. Te parautiꞌa, ꞌata hau tōꞌoku aŋa ki te tētahi ꞌāpōtoro, ka ai atu, taꞌe ko au mau ꞌā rā meꞌe, he ꞌAtua, ꞌi tōꞌona riva rahi, e hāꞌūꞌū mai era.

ꞌO ira e tano nō tātou mo kī: «E te Mate, ¿e rē mau rō mai koe? ¿E ai mau nō ꞌā tuꞌu pūai ꞌi ruŋa i a mātou?». Te pūai o te mate mai te hara e ai ena, ꞌe te hara e pūai ena he taꞌe haꞌatura ki te roŋo o te ꞌAtua.

ꞌE, ꞌī a au he vānaŋa atu o ruŋa i te meꞌe manaꞌu e te ꞌAtua mo aŋa taꞌe haka ꞌite mai e ia ꞌi muꞌa ꞌā: e ko mate taꞌatoꞌa tātou te nuꞌu haka moe i te manaꞌu ꞌi ruŋa i a Ietū; nā e tuꞌu rō te mahana te hakari mate nei o tātou he riro he hakari taꞌe mate. Te meꞌe nei ka topa ena ꞌi te hora o te puhi iŋa hopeꞌa o te koneta, ꞌe te hōrou pa he mine iŋa ena ꞌā o te mata. He puhi te koneta, te nuꞌu mate he ora tahi mai, ꞌe ꞌina e ko mate haka ꞌou. ꞌE a tātou te nuꞌu ora o rā hora, he mono te hakari

Pa he ai iŋa o te mate hai taŋata mau nō e tahi, pē ira takoꞌa ꞌana hai taŋata mau nō e tahi ka ai ena te ora iŋa mai te mate. Te auraꞌa: hai ⌊ꞌĀtamu⌋ te taŋata taꞌatoꞌa e mate ena, ꞌe hai Ietū Kiritō ka ora ena mai te mate

ꞌi te meꞌe era te hakari mate nei o tātou o te hora nei e riro rō he hakari ꞌina e ko mate ki te hora hopeꞌa.

Ki oti he tuꞌu mai te hora hopeꞌa o te ao nei, hora ka haka tere ena e te Kiritō ꞌe ka haka kore ena i te pūai o te meꞌe taꞌatoꞌa taꞌe takeꞌa taꞌe haŋa ki a ia haka tere i te ao nei, ꞌātā ka haka hēpiꞌi tahi rō i a rāua ꞌi raro i tōꞌona vaꞌe. ꞌAi era ka vaꞌai iho i te ao nei ki te ꞌAtua Matuꞌa mo haka tere e ia. ꞌE te meꞌe hopeꞌa ka haka kore ena he mate.