ꞌE pē ira takoꞌa ꞌana, i oti era te kai, he toꞌo i te hapaina vino ki tōꞌona rima ꞌe he kī: «Te meꞌe nei he toto ōꞌoku ka pariŋi ena mo kōrua, he tāpaꞌo o te ⌊haka tere iŋa ꞌāpī o te ꞌAtua ananake ko te taŋata⌋. E aŋa i te meꞌe nei pa he meꞌe mo manaꞌu ki a au». Pē ira i kī ai e Ietū. ꞌO ira, e te taina ē, ꞌina ko rehu: taꞌatoꞌa hora kai o kōrua i te haraoa ꞌe unu i te vino pa he meꞌe mo manaꞌu ki a ia, e haka ꞌite e oho ꞌā, ꞌātā ki te hoki iŋa mai o te tātou Pūꞌoko Haka Tere, o ruŋa i tōꞌona mate iŋa mo tātou.