Паччагьлугъар-3 3 的热门经文

分享

Яв лукӀраз, Яв халкьдиин агъавал апӀуз, ужʼвал писвалихьан жара апӀуз аьгъяди хьуз, фагьумлу юкӀв тув. Яв гизаф кьадарнан халкьдиин агъавал апӀуз шлихьан шул?

Узу уву тӀалаб апӀурайиб тамам апӀидиза. Узу увуз аьяндар ва фагьумлу юкӀв тувраза, гьамусдиз увуз ухшар вуйир дархьиганси, гьаци яв кьяляхъра сарра увухь тевуз шлур хьидар.

Заанури дугъаз гъапнийи: – Уву гьамциб тӀалаб апӀбаз ва увуз я ярхи уьмур, я девлет, я яв душмнариз аьжал тӀалаб дарапӀбаз, фагьумлуди агъавал апӀбан бадали, анжагъ аьяндарвал тӀалаб апӀбаз лигну

ДумутӀан артухъ, Узу увуз уву тӀалаб дарапӀубра – девлетра, адра – тувраза, гьаци вуйиган яв вари уьмриъ паччгьарин арайиъ увуз барабар вуйир хьидар.

Ва уву, яв адаш Давудди гъапӀганси, Йиз рякъяриъди гъягъюри гъахьиш ва Йиз тяйин дапӀнайи къайдйирихъ ва амрарихъ хъпехъури гъахьиш, Узу увуз ярхи уьмур тувидиза.

Гивондиъ Сулеймандиз РАББИ йишвну нивкӀуъ ашкар гъахьнийи, ва Заанури гъапнийи: – Увуз ккуниб узкан тӀалаб апӀин.

Ва гьамус, РАББИ, йиз Заанур, Уву Яв лукӀ йиз адаш Давуддин ерина паччагь гъапӀунва. Амма узу гьеле лапра жигьил вуза, ва узуз, йиз буржи фици тамам апӀуруш, аьгъдарзуз.

Сулейманди гьациб тӀалаб апӀбиин Рабби рази гъахьнийи.

Сулейманди жаваб тувнийи: – Уву Яв гъаравашдиз, йиз адаш Давуддиз, лапра зурба вафалувал улупунва, гьаз гъапиш думу Яв улихь дугъриди ва гьякьлуди лицуйи, ачухъ юкӀв айир вуйи. Уву гьадму лапра зурба вафалувал гъюбхюнва ва дугъаз гъи дугъан тахтниин деънайи бай тувунва.

Узу, Яв лукӀ, Уву ктабгъу халкьдиин паччагьди дерккунва. Думу халкь учв гьисаб апӀуз даршлубкьан гизаф кьадарнануб ву.