Ig Kiyavwiye Uhokri hiyak ku pariye ay avit giyaknikis madikte hiyeg. Ininewa ku pariye ig amin. Nikwe ig amava hiyeg ku pariye kane judeyenevwima adahan igkis humaw gihiyegavu hawata ke wixwiybe. Ig akki hene ku samah ig kawihkise Gitip givititkis hehpekuye ukakwiy.
Wixwiy hiwhka uvitwiy. Igkisme kane hiwhkama givitkis. Heneme ig ka aminanema ariw. Ig ka ikiygikis nawenyewatma wowiy. Ig bayahminigkis ariw gitaraksankis hawata ku samah ig bayahminawiy mmanawa igkis kamaxwa givitit Kiyavwiye Jesus.