Jɔn 17 的热门经文

分享

Che he kasinteŋ waa la ta, dɛ́ laa doŋa bɛlbwa kpɔ ba nɛɛ bá won ɛ he ɡbo nɛra. He waa ɛ kasinteŋ.

Banɔ la baa jemɛ dɛ jemɛ kɛ he ɡboo Korowii kasinteŋ la, dɛ berɛ jem mɛ kɛ menee Yeesu Kristo haa tom mɛ la, banee dɛ́ dɔ mkpa aa wola jaɡa dɔe la.

Ba ɡbo laa n soŋe dɛɛ tɛ. Nɛra baa ba che banɔ nɔ waa baa dɛ bol ta dɛ́ yarada mɛ la bwaa n soŋe dɛɛ tɛ. N dɛ soŋe kɛ hé ɛ ba bwa beŋkpoŋ. N Mɛɛ, ɡɛ n ne haa ɛ beŋkpoŋ bɛl aa wola won daɡre o te o dɔŋ nɛɛ la, ɡɛɛ mɛɛ soŋe kɛ ya ne ba won ɛ beŋkpoŋ, ásɛ nɛra baa dɔ harɛ nɔ ta ɡbo liire bwa won yarada kɛŋɔ henee tom mɛ.

Maa soŋe ŋɔ hé laa ba kpɔ le harɛ nɔ ta, kɛ n dɛ soŋe ŋɔ hɛ́ɛ kee ba Bɔnsam nɛ.

Gɛ haa tɛ mɛ jirima laanee n ɡe tɛɛ ba ásɛ ba won ɛ beŋkpoŋ ɡɛ n ne haa ɛ beŋkpoŋ la. N ne ba ɛ beŋkpoŋ, n ne he ɡe ɛ beŋkpoŋ, bɛl aa wola won daɡre o te o dɔŋ nɛ aa, anee dɛ́ ɡel ba beŋkpoŋri la won che kɛrɛdɛ, ásɛ nɛra baa dɔ harɛ nɔ ta ɡbo liire la jemɛ kɛŋɔ henee tom mɛ dɛɛ nyin ba ɡɛ haa dɛ nyin mɛ la.