མད་ཐཱ། 7 的热门经文

分享

ཡང་སྐྱབས་མགོན་ཡེ་ཤུས་འདི་སྐད༌དུ། ཁྱོད་རྣམས་ཀྱིས་གསོལ་བ་ཐོབས་དང་གནང་ངེས་ཡིན༌ལ། ཚོལ་དང་རྙེད་ངེས༌ཡིན། སྒོ་རྡུངས་དང་སྒོ་འབྱེད་པར༌ངེས།

རྒྱུ་མཚན་ནི་སུས་ཀྱང་གསོལ་བ་བཏབ་ན་ཐོབ་པ༌དང༌། བཙལ་ན་རྙེད༌པ། སྒོ་བརྡུངས་ན་སྒོ་འབྱེད་པའི་ཕྱིར༌རོ།།

ཡང་སྐྱབས་མགོན་ཡེ་ཤུས་འདི་སྐད༌དུ། དེའི༌ཕྱིར། བདག་གིས་སྨྲས་པའི་བཀའ་འདི་དག་སུ་ཞིག་གིས་ཐོས་ཤིང་དེ་བཞིན་དུ་བསྒྲུབས༌ན། དེ་ནི་མི་བློ་རིག་ཅན་ཞིག་གིས་རྡོ་ཕ་བོང་གི་སྟེང་དུ་ཁང་པ་བཟོས་པ་དང༌འདྲ།

དེའི༌ཕྱིར། དོན་གང་དང་གང༌ལའང༌། ཁྱོད་ཅག་ལ་མི་གཞན་ལས་ཇི་ལྟར་འཐོབ་འདོད༌ན། ཁྱོད་ཅག་གིས་ཀྱང་མི་གཞན་ལ་དེ་ལྟར༌བྱོས། དེ་ནི་བཀའ་ཁྲིམས་དང་ལུང་སྟོན་པའི་མདོ་རྣམས་ཀྱི་ནང་དོན་མདོར་བསྡུས་ཡིན་ཞེས་གསུངས༌སོ།།

འོན་ཀྱང་མཐའ་མེད་པའི་ཚེ་སྲོག་ནང་དུ་འདྲེན་པར་བྱེད་པའི་སྒོ་དེའི་འཁོབ་ནི་དོག་ཅིང་ལམ་ནི་ཆུང༌སྟེ། སྒོ་དེ་རྙེད་མཁན་ཡང་ཉུང་ཞེས་གསུངས༌སོ།།

ཡང་སྐྱབས་མགོན་ཡེ་ཤུས་འདི་སྐད༌དུ། ཁྱོད་རྣམས་སྒོ་དོག་མོའི་ནང་དུ་སོང༌ཞིག ཅིའི་ཕྱིར་ཞེ༌ན། འཇིག་པར་འགྱུར་བའི་སྒོ་དེའི་འཁོབ་ནི་ཡངས་ཤིང་ལམ་ནི་རྒྱ་ཆེ༌སྟེ། ལམ་དེར་འགྲོ་བའི་མིའང་མང་བའི་ཕྱིར༌རོ།།

སྤྱིར་ཁྱོད་རྣམས་རྒྱུད་ངན་པ་ཡིན་ཡང་རང་གི་བུ་ཕྲུག་ལ་དངོས་པོ་བཟང་པོ་སྟེར་ཤེས༌ན། ནམ་མཁའི་ཞིང་ཁམས་སུ་བཞུགས་པའི་ཁྱོད་ཅག་གི་ཡབ་ཀྱིས་ཁོང་ལ་ཞུ་མཁན་རྣམས་ལ་དེ་བས་ཀྱང་ལན་བཟང་པོ་གནང་ངེས༌ཡིན།

ཡང་སྐྱབས་མགོན་ཡེ་ཤུས་འདི་སྐད༌དུ། གཞན་གྱིས་ཁྱོད་རྣམས་ཀྱི་མཚང་མི་འབྱིན་པའི་ཕྱིར༌དུ། ཁྱོད་ཅག་གིས་ཀྱང་མི་གཞན་གྱི་མཚང་མ་འབྲུ༌ཞིག རྒྱུ་མཚན་ནི་ཁྱོད་ཅག་གིས་ཇི་ལྟར་མི་གཞན་གྱི་མཚང་བྲུས༌ན། ཁྱོད་རྣམས་ལའང་དེ་ལྟར་མཚང་འབྱིན་ཕོག་པ༌དང༌། ཁྱོད་ཅག་གིས་སྣོད་ཅི་ལྟ་བུ་ལས་མི་གཞན་ལ་བྱིན༌ན། སྣོད་དེ་ལྟ་བུ་ལས་ཁྱོད་ཅག་ལའང་གནང་བར་འགྱུར་བའི་ཕྱིར༌རོ།།

བདག་གིས་སྨྲས་པའི་བཀའ་འདི་དག་སུ་ཞིག་གིས་ཐོས་ཀྱང་དེ་བཞིན་དུ་མི་བསྒྲུབ༌ན། དེ་ནི་མི་བླུན་པོ་ཞིག་གིས་བྱེ་མའི་སྟེང་ཏུ་ཁང་པ་བརྩིགས་པ་དང༌འདྲ།

ཡང་ཁྱོད་ཀྱིས་རང་གི་སྤུན་ཟླའི་མིག་ནང་དུ་སྦུར་མ་ཡོད་པ་མཐོང༌ན། ཅིའི་ཕྱིར་རང་གི་མིག་ནང་དུ་ཡོད་པའི་གདུང་མ་མི་མཐོང༌ངམ། ཡང་ཁྱོད་རང་གི་མིག་ནང་དུ་གདུང་མ་ཡོད༌ཀྱང༌། ཁྱོད་ཀྱིས་རང་གི་སྤུན་ཟླ་ལ་ངས་ཁྱོད་ཀྱི་མིག་ནང་དུ་ཡོད་པའི་སྦུར་མ་ལེན་པར་བྱེད་ཅེས་སྨྲ་ནུས༌སམ།

ཡང་སྐྱབས་མགོན་ཡེ་ཤུས་འདི་སྐད༌དུ། ཁྱོད་ཅག་གིས་ལུང་སྟོན་པ་རྫུས་མ་རྣམས་ལ་དོགས་ཟོན་བྱོས༌ཤིག མི་དེ་དག་ཁྱོད་རྣམས་ཀྱི་གམ་དུ་ཡོང་ཞིང་ལུས་ལ་ལུག་ལྤགས་གྱོན་ནའང་ནང་སེམས་ནི་གདུག་རྩུབ་ཆེ་བའི་སྤྱང་ཀི༌ཡིན། ཁྱོད་རྣམས་ཀྱིས་དེ་དག་གི་འབྲས་བུ་ལས་དེ་དག་སུ་ཡིན་པ་ཤེས་པར་འགྱུར༌ཏེ། སྤྱིར་ཚེར་མ་ལས་རྒུན་འབྲུམ༌དང༌། སྤྱང་ཚེར་ལས་བསེ་ཡབ་ཀྱི་འབྲས་བུ་འཐོག་སྲིད༌དམ།

དེ་བཞིན་དུ་ཤིང་སྡོང་བཟང་པོ་ཐམས་ཅད་ཀྱིས་འབྲས་བུ་བཟང་པོ་བསྐྱེད༌ཅིང༌། ཤིང་སྡོང་ངན་པས་འབྲས་བུ་ངན་པ༌བསྐྱེད།

ཡང་ཤིང་སྡོང་བཟང་པོས་འབྲས་བུ་ངན་པ་བསྐྱེད་མི་སྲིད༌ལ། ཤིང་སྡོང་ངན་པས་ཀྱང་འབྲས་བུ་བཟང་པོ་བསྐྱེད་མི༌སྲིད།

འབྲས་བུ་བཟང་པོ་མི་བསྐྱེད་པའི་ཤིང་སྡོང་ཐམས་ཅད་བཅད་དེ་མེའི་ནང་དུ་འཕེན་པར༌བྱེད།