མད་ཐཱ། 10 的热门经文

分享

བདག་གིས་ཁྱོད་རྣམས་སྤྱང་ཁྱུའི་ཁྲོད་དུ་ལུག་རྣམས་གཏོང་བ་ལྟར་མངག་པར་བྱེད༌པས། ཁྱོད་རྣམས་སྦྲུལ་ལྟར་བློ་རིག་མྱུར་ཞིང་ཕུག་རོན་བཞིན་དུ་ཞི་ཞིང་དུལ་བར༌གྱིས།

ཡང་མི་སུ་ལའང་རང་སྲོག་ཐོབ་པ་དེས་རང་སྲོག་འཆོར༌ཞིང༌། མི་སུས་ཀྱང་བདག་གི་དོན་དུ་རང་སྲོག་འདོར་བ་དེར་རང་སྲོག་འཐོབ་ངེས༌སོ།།

ལུས་པོ་གཞོམ་ཡང་རྣམ་ཤེས་མེད་པར་བཟོ་མི་ནུས་པ་དེ་རྣམས་ལ་ཁྱོད་ཅག་མ་འཇིགས༌ཤིག འོན༌ཀྱང༌། ལུས་པོ་དང་རྣམ་ཤེས་གཉིས་ཀ་དམྱལ་བའི་གནས་སུ་མེད་པར་མཛད་ནུས་པ་དེ་ཉིད་ཁོ་ན་ལ་འཇིགས་དགོས༌སོ།།

ཡང་སུ་ཞིག་གིས་རང་གི་ཤིང་རྒྱ་གྲམ་ཁུར་ནས་བདག་གི་རྗེས་སུ་འབྲང་བ་མིན་ན་མི་དེའང་བདག་གི་རྗེས་འབྲང་པ་བྱ་མི༌འོས།

དེའི༌ཕྱིར། སུ་ཞིག་གིས་མི་གཞན་གྱི་མདུན་དུ་ང་རང་ཁས་བླངས༌ན། བདག་གིས་ཀྱང་ནམ་མཁའི་ཞིང་ཁམས་སུ་བཞུགས་པའི་ང་ཡི་ཡབ་ཀྱི་དྲུང་དུ་མི་དེ་ཁས་ལེན་པར༌འགྱུར། འོན་ཀྱང་སུ་ཞིག་གིས་མི་གཞན་གྱི་མདུན་དུ་ང་རང་ཁས་མ་བླངས༌ན། བདག་གིས་ཀྱང་ནམ་མཁའི་ཞིང་ཁམས་སུ་བཞུགས་པའི་ང་ཡི་ཡབ་ཀྱི་དྲུང་དུ་མི་དེ་ཁས་མི་ལེན༌ནོ།།

ནད་པ་རྣམས་གསོ་བར༌གྱིས། གཤིན་པོ་རྣམས་སླར་གསོན་དུ༌ཆུག མཛེ་ནད་ཅན་རྣམས་གཙང་མར༌གྱིས། གདོན་འདྲེ་རྣམས་ཕྱིར་སྐྲོད༌ཅིག ཁྱོད་ཅག་ལ་རིན་མི་དགོས་པར་ཐོབ༌པས། མི་གཞན་ལའང་རིན་མི་ལེན་པར་སྦྱིན་པར༌གྱིས།

འཇིགས་མི་དགོས༌ཏེ། བྱེའུ་མང་པོ་ལས་ཀྱང་ཁྱོད་རྣམས་ལ་རིན་ཐང་ཆེན་པོ་ལྡན༌ནོ།།

ཁྱོད་རྣམས་ཀྱིས་ང་རང་འཇིག་རྟེན་འདིར་ཡོང་བ་ནི་མི་རྣམས་ལ་ཞི་བདེ་བསྐྱལ་ཡོང་བའི་ཆེད་དུ་ཡིན་པར་མ་སེམས༌ཤིག ངས་མི་རྣམས་ལ་ཞི་བདེ་བསྐྱལ་ཡོང་བ་མ་ཡིན་པར་རལ་གྲི་བསྐྱལ་བའི་ཕྱིར་ཡོང༌ངོ༌།།