ཡོ་ཤུ་ཨ། 10 的热门经文

分享

དེ་ནས་འབངས་མི་རྣམས་ཀྱིས་དགྲ་བོ་རྣམས་ལ་དགྲ་ཤ་ལེན་པའི་བར་དུ་ཉི་མ་རང་སོར་ལུས་ཤིང་ཟླ་བ་ཡང་བསྡད། དོན་འདི་ནི་ཡ་ཟ་ཨེར་གྱི་མདོ་ནང་དུ་བཀོད་ཡོད་པ་མ་ཡིན་ནམ། ཉི་མ་ནམ་མཁའི་དབུས་སུ་ལུས་ནས་ཉིན་གཅིག་ཙམ་གྱི་རིང་ལ་ལམ་སང་མ་ནུབ་ཏོ། །

དཀོན་མཆོག་ཡ་ཝཱེས་ཨེ་མོར་པ་རྣམས་ཡེས་ར་ཨེལ་པ་རྣམས་ལ་སྤྲད་པའི་ཉིན་མོར། ཡོ་ཤུ་ཨ་ཡིས་དཀོན་མཆོག་ཡ་ཝཱེ་ལ་སྨོན་ལམ་ཞུས་ཤིང་ཡེས་ར་ཨེལ་པ་རྣམས་ཀྱི་མདུན་དུ་ཇི་སྐད་དུ། ཉི་མ་ཁྱོད་ནི་གིབ་ཡོན་དུ་འདུག་པར་གྱིས། ཟླ་བ་ཁྱོད་ནི་ཨ་ཡཱ་ལོན་ལུང་པར་སྡོད་ཅིག་ཅེས་སྨྲས།

དཀོན་མཆོག་ཡ་ཝཱེས་མི་ཡི་སྨོན་ལམ་ལ་ཉིན་མོ་དེ་བཞིན་གསན་པ་ནི་དེའི་སྔོན་དུ་བྱུང་མ་མྱོང་ལ་རྗེས་སུ་ཡང་བྱུང་མ་མྱོང་བ་སྟེ། ཅི་ལ་ཟེར་ན། དཀོན་མཆོག་ཡ་ཝཱེས་ཡེས་ར་ཨེལ་གྱི་ཕྱིར་འཐབ་མོ་མཛད་པས་སོ། །

དཀོན་མཆོག་ཡ་ཝཱེས་ཡོ་ཤུ་ཨ་ལ་འདི་སྐད་དུ། བདག་གིས་ཁོ་རྣམས་ཁྱོད་ཀྱི་ལག་ཏུ་སྤྲད་ཟིན་པ་དང་། ཁོ་རྣམས་ཀྱི་ཁྲོད་དུ་ཁྱོད་ཀྱི་མདུན་དུ་ཚུགས་ཐུབ་མཁན་གཅིག་ཀྱང་མེད་པས་ཁོ་ཚོར་མ་འཇིགས་ཤིག་ཅེས་གསུངས་པ་དང།

ཡོ་ཤུ་ཨས་ཁོ་རྣམས་ལ། ཁྱོད་རྣམས་མ་འཇིགས་མ་འཚབ་ཅིག བློ་རྩ་བརྟན་པོས་སྙིང་རུས་བསྐྱེད་དགོས། ཅི་ལ་ཟེར་ན། དཀོན་མཆོག་ཡ་ཝཱེས་ཁྱོད་རྣམས་ཀྱིས་རྒོལ་བར་འགྱུར་བའི་དགྲ་བོ་ཐམས་ཅད་ལ་འདི་ལྟར་མཛད་ངེས་པས་སོ་ཞེས་གསུངས།