བཀའ་ལུང་། 1 的热门经文

分享

ཁྱོད་ཅག་གི་དཀོན་མཆོག་ཡ་ཝཱེ་སྟེ་ཁྱོད་རྣམས་ཀྱི་སྔོན་དུ་ཕེབས་པ་ཁོང་གིས། ཨེ་ཅིབ་ཡུལ་ནས་ཁྱོད་ཅག་གི་མཐོང་ངོར་ཁྱོད་ཚོའི་ཆེད་དུ་ཇི་ལྟར་འཐབ་འཛིང་མཛད་པ་བཞིན་དུ་མཛད་ངེས་ཡིན། དེར་མ་ཟད་དབེན་སྟོང་དུའང་ཁྱོད་ཅག་གི་དཀོན་མཆོག་ཡ་ཝཱེས་ཁྱོད་ཅག་ཇི་ལྟར་ཁྲིད་པ་ཁྱོད་རྣམས་ཀྱིས་མཐོང་ཡོད་དེ། ཕ་ཡིས་རང་གི་བུ་རྒྱབ་ལ་ཁུར་ནས་སྐྱོད་པ་ལྟར། ཁོང་གིས་ཁྱོད་ཅག་ཁྲིད་ནས་གནས་འདིར་སླེབས་པ་ཡིན་ཞེས་སྨྲས་པའོ། །

ཁྱོད་རྣམས་ཀྱི་ཕ་མེས་ཀྱི་དཀོན་མཆོག་ཡ་ཝཱེས་ཁྱོད་རྣམས་ད་ལྟ་ལས་ཀྱང་ལྡབ་སྟོང་འགྱུར་གྱིས་མང་བར་སྤེལ་ཞིང་། ཡང་ཁོང་གིས་ཁྱོད་རྣམས་ལ་ཞལ་བཞེས་གནང་བ་བཞིན། ཁྱོད་ཅག་ལ་བྱིན་རླབས་གནང་བར་ཤོག

རང་ཅག་གི་དཀོན་མཆོག་ཡ་ཝཱེས་རི་བོ་ཧོ་རེབ་ནས་འདི་སྐད་དུ། ཁྱོད་ཚོ་རི་བོ་འདིར་ཡུན་རིང་བསྡད་པས།

ལྟོས་དང་། བདག་གིས་ཡུལ་དེ་ཁྱོད་རྣམས་ཀྱི་མདུན་དུ་བཞག་ཡོད། དེ་ནི་དཀོན་མཆོག་ཡ་ཝཱེས་ཁྱོད་རྣམས་ཀྱི་ཕ་མེས་ཨབ་ར་ཧམ་དང་ཨི་སཱག ཡ་ཀོབ་བཅས་ལ་ཁོང་རྣམས་དང་ཁོང་རྣམས་ཀྱི་བུ་རབས་ཚ་རྒྱུད་ལ་གནང་བར་མནའ་བཞེས་པ་ཡིན་པས། དེར་སོང་ནས་བདག་པོ་རྒྱོབས་ཤིག་ཅེས་བཀའ་བསྩལ་ཏོ། །

ཁྲིམས་ཐག་གཅོད་དུས་སུ་ལའང་ཕྱོགས་རིས་འཛིན་མི་རུང་ལ། མི་མཆོག་དམན་སུ་ཡིན་ཡང་དེ་ལ་གཅིག་མཚུངས་ཀྱིས་མཉན་དགོས། ཁྲིམས་ཐག་གཅོད་པ་ནི་དཀོན་མཆོག་ལ་དབང་བས་སུ་ལ་ཡང་འཇིགས་མི་དགོས། ཁྱོད་རྣམས་ཐག་གིས་གཅོད་དཀའ་བའི་གྱོད་དོན་དང་ཕྲད་ཚེ་ངའི་མདུན་དུ་ཁྱེར་ཤོག་དང་ངས་དེར་ཁྲིམས་ཐག་གཅོད་པར་བྱ་ཞེས་སྨྲས་སོ། །