རྒྱལ་རབས་དང་པོ། 3 的热门经文

分享

དེའི་ཕྱིར་ཁྱེད་ཀྱིས་ཉིད་ཀྱི་ཞབས་ཕྱི་ལ་འབངས་མིའི་སྲིད་སྐྱོང་བ་དང་། ལེགས་ཉེས་ཀྱི་དབྱེ་བ་རྟོགས་པའི་ཕྱིར་དུ། ཤེས་རབ་དང་ལྡན་པའི་སེམས་ཤིག་གནང་རོགས་ཞུ། ཅིའི་ཕྱིར་ཞེ་ན། སུ་ཞིག་གིས་ཁྱེད་ཀྱི་འབངས་མི་འདི་འདྲ་མང་པོར་སྲིད་བྱེད་ནུས་སམ་ཞེས་ཞུས་པ་དང་།

ངས་ཁྱོད་ཀྱིས་ཞུས་པ་བཞིན་དུ་བསྒྲུབ་པར་བྱ་ཞིང་། ངས་ཁྱོད་ལ་ཤེས་རབ་དང་ཡེ་ཤེས་ཀྱི་སེམས་ཤིག་སྦྱིན་པར་བྱ་སྟེ། ཁྱོད་དང་འདྲ་བ་ཞིག་སྔོན་ཆད་བྱུང་མ་མྱོང་ལ། ཕྱིན་ཆད་ཀྱང་འབྱུང་བར་མི་འགྱུར་རོ། །

ཡང་དཀོན་མཆོག་གིས་ཁོ་ལ། ཁྱོད་ཀྱིས་དེ་བཞིན་ཞུས་ཤིང་རང་གི་ཆེད་དུ་ཚེ་ཐག་རིང་པོའམ། རྒྱུ་ནོར་རམ། དགྲ་བོ་རྣམས་ཀྱི་སྲོག་གཅོད་པ་བཅས་ཀྱི་ཕྱིར་ཞུས་པ་མིན་པར། ལེགས་ཉེས་འབྱེད་པའི་ཤེས་རབ་ཀྱི་ཕྱིར་དུ་ཞུས་པས་ན།

དེར་མ་ཟད། ཁྱོད་ཀྱིས་མ་ཞུས་པ་དག་ཀྱང་སྦྱིན་པར་བྱ་སྟེ། རྒྱུ་ནོར་དང་བཀུར་སྟི་གཉིས་སྦྱིན་ཞིང་། ཁྱོད་ཀྱི་ཚེ་གང་པོར་རྒྱལ་པོ་གཞན་རྣམས་ཀྱི་ཁྲོད་དུ་ཁྱོད་འདྲ་བ་ཞིག་འབྱུང་བར་མི་འགྱུར་རོ། །

གལ་ཏེ་ཁྱོད་ཀྱིས་རང་གི་ཕ་དཱ་བིད་ཀྱིས་ཅི་བྱས་པ་བཞིན་དུ། ངས་བསྟན་པའི་ལམ་ལ་འགྲོ་ཞིང་། ངའི་སྒྲིག་ཁྲིམས་དང་བཀའ་རྒྱ་རྣམས་བསྲུངས་ཚེ། བདག་གིས་ཁྱོད་ཀྱི་ཚེ་ཐག་རིང་བར་བྱའོ་ཞེས་གསུངས་སོ། །

མཚན་མོ་དེར་གིབ་ཡོན་ཡུལ་དུ་དཀོན་མཆོག་ཡ་ཝཱེ་ནི་སོ་ལོ་མོན་གྱི་རྨི་ལམ་དུ་མངོན་པར་གྱུར་ཏེ། དཀོན་མཆོག་གིས་ཁོང་ལ། ཁྱོད་ཀྱིས་ཅི་ཞུས་ཀྱང་བདག་གིས་ཁྱོད་ལ་སྦྱིན་ངེས་ཡིན་ཞེས་གསུངས་པའི་ལན་དུ།

ཀྱེ་བདག་གི་དཀོན་མཆོག་ཡ་ཝཱེ་ལགས། ད་ནི་ཁྱེད་ཀྱིས་རང་གི་ཞབས་ཕྱི་སྟེ། བདག་ནི་ཡབ་དཱ་བིད་ཀྱི་ཚབ་ཏུ་རྒྱལ་པོར་བསྐོས། འོན་ཀྱང་བདག་ནི་ལོ་ན་ཕྲ་བས་ཕྱི་ནང་གི་འགྲོ་ལུགས་ཀྱང་མི་ཤེས།

སོ་ལོ་མོན་གྱིས་དེ་བཞིན་ཞུས་པ་ལ་གཙོ་བོ་ཐུགས་དགྱེས་སོ། །

སོ་ལོ་མོན་གྱིས། ཁྱེད་རང་གི་ཞབས་ཕྱི་སྟེ། ངའི་ཡབ་དཱ་བིད་ཀྱིས་ཁྱེད་ཀྱི་སྤྱན་སྔར་བློ་དཀར་བ་དང་། དྲང་གཞག་དང་གཞུང་དྲང་གི་སེམས་དང་བཅས་སྤྱོད་པ་སྤྱད་པས། ཁྱེད་ཀྱིས་ཁོང་ལ་བྱམས་བརྩེ་ཆེན་པོས་གཟིགས་སྐྱོང་གནང་བ་ཡིན། ཡང་ཉིན་མོ་འདི་བཞིན་དུ། ཁྱེད་ཀྱིས་ཁོང་ལ་བྱམས་བརྩེ་ཆེན་པོ་གནང་ཞིང་ཁོང་གི་རྒྱལ་ཁྲིར་འགོད་པའི་བུ་ཞིག་གནང་བ་ཡིན་ནོ། །

ཡང་ཁྱེད་ཀྱི་ཞབས་ཕྱི་བདག་ནི་ཁྱེད་ཀྱིས་བདམས་པའི་འབངས་མིའི་ཁྲོད་དུ་ཡོད་དེ། འབངས་དེ་ནི་ཤིན་ཏུ་མང་བའི་རྐྱེན་གྱིས་བགྲང་གིས་མི་ལང་བ་ཞིག་ཡིན།