मरकुस 9 的热门经文

分享

ख़ने येसुस आसिन बाचस, “‘नीन नना ओंग्दय होले’ एन्ने अमा ब'आ, एन्‍देरगेका एंगन पत्त'ऊ आलर गे ऎन इन्द्रिइम नना ओंग्दन।”

लॆम आ कुक्‍कोसी तम्‍बस चिच्चि‍यारनुम बाचस, “ऎन पत्त'अदन का नीन एंगन सहाड़ा नना ओंग्दय, एंग्‍है पत्त'अनन अउरिम बड़ियर मना गे सहाड़ा नना।”

फिन येसुस अरा आसी चेलर ताम लेका एड़पा नू रहचर, ख़ने चेलर आसिन मेंजर, “ऎम आ मलदौ बॊलतन एन्‍देरगे ओथ्र'आ पोलकम?” येसुस आरिन बाचस, “नीम ई मदहे मलदौ बॊलतन बिन्‍ती [अरा उपास] ती लेका ओथ्र'आ ओंगोर।”

बॆक ड‍उल हिके। लिकिन बॆक ही तीनना मेटर'ओ कालो होले, अदही तीनना एकासे कमर'ओ? निम्‍है पत्त'अना आ बॆक लेक्‍खा र'ई, औंगे निम्‍है पत्त'अना नू जिटजिट ने र'आ। अरा नीम ओरोत इरिब नू मेसेर'अरकी उज्‍जा।”

“एका ओर्तोस ई बेसे ओन्‍टा ख़द्दासिन एंग्‍है बदली नू इंझ्रदस आस एंगन इंझ्रदस। इदही माने एन्ने हवे, आस एंगन लेका मल इंझ्रदस लिकिन एंगन त‍इय्‍का एंग्‍है बबासिन हूँ इंझ्रदस।”

इदिन हूँ मेना का नेक‍ईम निमा गे ओन मौनी अम्मु लेका ओन्‍त'अदस, एन्‍देरगेका नीम ऎन मसीसी आलर हिकदर, होले आस मानिम धर्मेस ती इनाम ख़क्‍खोस।”

लिकिन येसुस आरिन एन्ने हूँ बाचस “एका ओर्तोस एंगन पत्त'अदस, आस ई सन्नी ख़द्दस लेक्‍खा मान मलका आलस होले हूँ, आसिन एंग्‍है ती नीन कगर'अदय होले, निंग्‍है ख़ेसेर नू ओन्‍टा कोहाँ पखनन हें'अरकी निंगन समुदर नू हेबड़ना, धर्मेसी चि'अना दंडे ती जुक्‍की र'ई।

अरा निंग्‍है ओन्‍टा ख़न्‍न निंगन एंग्‍है ती कगरारना ही चड्डे मनी होले, अदिन सम्ड़ह'आ। एंग्‍है ती कगरारना ती सम्ड़ह'आ गे आ ख़न्नन टोटरना ओथ्रना मनो होले हूँ अदिन टोटर'आ ओथ्र'आ। एंग्‍है ती कगरारना चड्डे ऎंड़ ख़न्‍न र'अनुम नरक नू हेबड़्रना ती, एंग्‍है ती बिगर कगरारका ती कना मनरकी धर्मेस गने जनमजुग ही उज्‍जना नू कोरना निंगा दौ र'ई।