Ŋwə jwi nɨniŋ, Pita gi tɨ́ ŋwə laa, «Ananias, sii yɨ̀ kə laa tɨɨ vəzwitə vəbwəvə bweꞌsə ghɔ laa a fiŋ yindɨɨ yə, ndɨ̀ə way ka, jwì kɨ dəsə way laa lùu faŋ a fìŋ yindɨɨ yɔ́? A sɨ̀ɨ ba lùu tɨ́ Zwitə Ley Nwi. A nə kɨ fìŋ yindɨɨ yə, luu njɨɨ yindɨɨ. A baa fìŋ, ka kɨ lùu ka wə. Sii yɨ̀ kə laa a kɔꞌnə fɨ taa fwi ghɔ, laa a taa mɔŋ kəŋ nu kə̀ nee? A kee sɨ̀ɨ ba tɨ́ wə me, a sɨ̀ɨ ba lùu tɨ́ Nwi.» Ananias zɔ nu kɔ́, gù nsi ku. Vɨɨ vənshə zɔ, nduŋ sɨɨ vəŋ, vəŋ fee ŋkee dɨdɨꞌ.