2 Kauleethaus 3 的热门经文

分享

Zagnua, lulug kws has tas “tug Tswv” yog has txug Vaaj Ntsujplig; yog tug Tswv tug Ntsujplig nyob qhovtwg, qhov ntawd muaj kev ywjpheej.

Peb txhua tug tsi muaj dlaim ntaub npug ntsejmuag lawm, peb zoole dlaim tsom-av ci rua suavdlawg pum txug tug Tswv tug tshwjchim; tug tshwjchim ntawd yog lug ntawm tug Tswv kws yog Vaaj Ntsujplig, Nwg muab peb hloov kuas peb muaj tug yaamntxwv zoole Nwg kws tseem yuav ci ntsaa-ab zujzug moog.

Tabsis thaus ib tug twg tig lug cuag tug Tswv, nwg dlaim ntaub yuav raug muab rhu tawm moog.

Yeej tsi muaj ib yaam dlaabtsi nyob rua huv peb kws yuav ua rua peb khaav tau has tas peb muaj cuabkaav ua tau tegnum nuav. Tug peevxwm kws peb muaj yog lug ntawm Vaajtswv lug xwb. Nwg yog tug kws ua rua peb muaj peevxwm ua tau teg dlejnum nyob rua huv txujlug cogtseg tshab, tsi yog txuj Kevcai kws sau lug ntawm tej ntaub ntawv tabsis yog sau lug ntawm Vaaj Ntsujplig; txuj kevcai kws sau rua huv ntawv ua rua muaj kev pluj-tuag, tabsis Vaaj Ntsujplig ua rua muaj txujsa.